Abai oblysyna 3,5 trln teńge investitsiia tartyldy. Bul týraly Ortalyq kommýnikatsiialar qyzmetiniń brifinginde Abai oblysynyń ákimi Berik Ýáli atap ótti, dep habarlaidy Dalanews.kz.
Abai oblysynda biznesti qoldaý men investitsiia tartý baǵytynda júieli jumystar júrgizilýde.Jyl basynan beri óńirde iske asyrylyp jatqan investitsiialyq jobalardyń sany 29-dan 97-ge deiin artty. Tartylǵan investitsiia kólemi 2,2 trln teńgeden 3,5 trln teńgege deiin ulǵaidy. Onyń ishinde 50 joba Ulttyq tsifrlyq investitsiialyq platformaǵa engizilgen.
Iri investitsiialyq jobalardyń biri – kólemi 577,5mlrd. teńgeni quraityn jalpy uzyndyǵy 297,5shaqyrym «Aiagóz – Baqty» temirjol jelisiniń qurylysy. Bul – óńirdiń jáne tutas elimizdiń damýyna tyń serpin berý úshin Memleket basshysynyń tikelei tapsyrmasymen bastalǵan aýqymdy joba. Merdiger uiym – China Harbour Engineering Company. 10,5 myń gektar jer ýchaskesi rezervke qoiylǵan. Jobanyń tehnikalyq-ekonomikalyq negizdemesi bekitildi, 2023 jyly iske asyrý bastaldy. Qazirgi ýaqytta jobaǵa 30mlrd teńge investitsiia salyndy. Nysandy 2027 jyldyń jeltoqsanynda paidalanýǵa berý josparlanyp otyr.
Budan bólek ónerkásip salasynda Túrkiian
yń «Miryildiz Kz Ltd.» kompaniiasy jalpy quny 480 mln AQShdollaryn quraityn «Altyn óndirý fabrikasyn salý»jobasyn iske asyrýdy bastady.
Biyl jalpy somasy 25,9 mlrd. teńgege 453 jumys ornyn ashýǵa múmkindik beretin 14 jobany iske asyrý josparlanǵan. Qazirgi tańda 13,3 mlrd. teńgege 7 joba júzege asyryldy, 124 jumys orny quryldy. Jyl sońyna deiin quny 12,6 mlrd. teńgeni quraityn 7jobany iske qosý kózdelip otyr.
