اباي وبلىسىنا 3,5 ترلن تەڭگە ينۆەستيتسييا تارتىلدى. بۇل تۋرالى ورتالىق كوممۋنيكاتسييالار قىزمەتٸنٸڭ بريفينگٸندە اباي وبلىسىنىڭ ەكٸمٸ بەرٸك ۋەلي اتاپ ٶتتٸ, دەپ حابارلايدى Dalanews.kz.
اباي وبلىسىندا بيزنەستٸ قولداۋ مەن ينۆەستيتسييا تارتۋ باعىتىندا جٷيەلٸ جۇمىستار جٷرگٸزٸلۋدە.جىل باسىنان بەرٸ ٶڭٸردە ٸسكە اسىرىلىپ جاتقان ينۆەستيتسييالىق جوبالاردىڭ سانى 29-دان 97-گە دەيٸن ارتتى. تارتىلعان ينۆەستيتسييا كٶلەمٸ 2,2 ترلن تەڭگەدەن 3,5 ترلن تەڭگەگە دەيٸن ۇلعايدى. ونىڭ ٸشٸندە 50 جوبا ۇلتتىق تسيفرلىق ينۆەستيتسييالىق پلاتفورماعا ەنگٸزٸلگەن.
ٸرٸ ينۆەستيتسييالىق جوبالاردىڭ بٸرٸ – كٶلەمٸ 577,5ملرد. تەڭگەنٸ قۇرايتىن جالپى ۇزىندىعى 297,5شاقىرىم «اياگٶز – باقتى» تەمٸرجول جەلٸسٸنٸڭ قۇرىلىسى. بۇل – ٶڭٸردٸڭ جەنە تۇتاس ەلٸمٸزدٸڭ دامۋىنا تىڭ سەرپٸن بەرۋ ٷشٸن مەملەكەت باسشىسىنىڭ تٸكەلەي تاپسىرماسىمەن باستالعان اۋقىمدى جوبا. مەردٸگەر ۇيىم – China Harbour Engineering Company. 10,5 مىڭ گەكتار جەر ۋچاسكەسٸ رەزەرۆكە قويىلعان. جوبانىڭ تەحنيكالىق-ەكونوميكالىق نەگٸزدەمەسٸ بەكٸتٸلدٸ, 2023 جىلى ٸسكە اسىرۋ باستالدى. قازٸرگٸ ۋاقىتتا جوباعا 30ملرد تەڭگە ينۆەستيتسييا سالىندى. نىساندى 2027 جىلدىڭ جەلتوقسانىندا پايدالانۋعا بەرۋ جوسپارلانىپ وتىر.
بۇدان بٶلەك ٶنەركەسٸپ سالاسىندا تٷركييان
ىڭ «Miryildiz Kz Ltd.» كومپانيياسى جالپى قۇنى 480 ملن اقشدوللارىن قۇرايتىن «التىن ٶندٸرۋ فابريكاسىن سالۋ»جوباسىن ٸسكە اسىرۋدى باستادى.
بيىل جالپى سوماسى 25,9 ملرد. تەڭگەگە 453 جۇمىس ورنىن اشۋعا مٷمكٸندٸك بەرەتٸن 14 جوبانى ٸسكە اسىرۋ جوسپارلانعان. قازٸرگٸ تاڭدا 13,3 ملرد. تەڭگەگە 7 جوبا جٷزەگە اسىرىلدى, 124 جۇمىس ورنى قۇرىلدى. جىل سوڭىنا دەيٸن قۇنى 12,6 ملرد. تەڭگەنٸ قۇرايتىن 7جوبانى ٸسكە قوسۋ كٶزدەلٸپ وتىر.
