Abai oblysy, Besqaraǵai aýdanynda «Kieli meken» ekologiialyq aktsiiasy ótti. Oǵan oblys ákimi Nurlan Uranhaev, kópbalaly analar, jastar, eriktiler men aýdan turǵyndary qatysty.
Aktsiianyń maqsaty - tarihi-mádeni eskertkishter men olardyń aýmaǵyn saqtaý jáne qalypty jaǵdaida ustaý. Biyl Aqkól meshitine 117 jyl tolady.
1907 jyly salynǵan kóne meshit Omby-Maiqapshaǵai respýblikalyq tas jolynan «men mundalap» anyq kórinedi. Meshit birde-bir shege qaǵylmai, taza aǵashtan salynǵan ǵajaiyp nysan.
Qulshylyq úii belgili saýdager, qajy Sultan Fazylbekovtiń muryndyq bolýymen salynǵan. Qurylys jumystaryna Ertis boiyndaǵy ár óńirden materialdar jetkizilip, úzdik bashqurt sáýletshileri tartylǵan.
Keńestik dáýirde meshit jabylyp, bastaýysh mektep, kitaphana, aýyldyq klýb esebinde paidalanylǵan. Salynǵanyna ǵasyrdan assa da óziniń qalpyn saqtap turǵan meshit oblystyq tarihi-mádeni eskertkish mártebesine ie.
Besqaraǵailyqtar «Taza Qazaqstan» aktsiiasyna belsene qatysyp jatqanyn aita ketýimiz kerek. Biyl aýdanda 230 kóshege abattandyrý júrgiziledi.
