Oblys ákimi Berik Ýálı Qytaıdyń Shyńjań uıǵyr avtonomıaly ólkesi Tachen (Tarbaǵataı) aımaǵynyń partıa komıtetiniń hatshysy Chjı Sánveımen beınebaılanys arqyly kezdesý ótkizdi. Kezdesý barysynda Abaı oblysy men Sháýeshek qalasy arasyndaǵy arasyndaǵy eki jaqty yntymaqtastyqty damytý máseleleri talqylandy,- dep habarlaıdy Dalanews.kz
Tachen (Tarbaǵataı) aımaǵynyń partıa komıtetiniń hatshysy Chjı Sánveı «Aıagóz-Tachen» temir jol jelisiniń qurylysyna, Baqty keden beketiniń kólikterdi ótkizý kólemin ulǵaıtýǵa, týrıser úshin «jasyl dáliz» ashýǵa, saýda-sattyqty jandandyrý úshin shekara mańyndaǵy aımaqta jármeńke ótkizýge baılanysty usynystaryn aıtty. Týrızm baǵytynda birlese jumys isteýge daıyn ekenin bildirdi.
Aımaq basshysy Berik Ýálı eki óńirdiń yntymaqtastyq áleýetiniń zor ekenine toqtalyp, bıylǵy 5 aıda Abaı oblysy men Qytaı óńirleri arasyndaǵy taýar aınalymy 812 mln AQSH dollaryn quraǵanyn atap ótti. Baqty shekarasynda jármeńke ótkizý usynysyn qoldap, birlesken saýda platformasyn qurýǵa daıyn ekenin jetkizdi.
«Bizdiń óńiraralyq qatynastarymyz eki eldiń kóshbasshylary – Qazaqstan Respýblıkasynyń Prezıdenti Qasym-Jomart Kemeluly Toqaev pen QHR Tóraǵasy Sı Szınpın salǵan dostyq negizinde nyǵaıyp kele jatqanyn erekshe atap ótkim keledi. Memleket basshysy Qasym-Jomart Kemeluly Toqaev atap ótkendeı, «Qytaı Qazaqstannyń senimdi strategıalyq seriktesi boldy jáne solaı bolyp qala beredi. Bizdiń yntymaqtastyǵymyz – shynaıy dostyq, tatý kórshilik jáne ózara qoldaýdyń úlgisi. Búgin Abaı oblysy men Tarbaǵataı okrýgy – tek geografıalyq kórshiler ǵana emes, sonymen qatar óńirler deńgeıinde strategıalyq seriktester. Sizdiń tamyz aıynda bolatyn saparyńyz bul yntymaqtastyqty tereńdetýdiń tamasha múmkindigi dep bilemiz. Bolashaqta bizdiń delegasıamyz da sizdiń okrýgińizge jaýap saparmen baryp, tájirıbe jáne damý perspektıvalary týraly pikir almasa alady dep shyn júrekten úmittenemiz», - dedi oblys ákimi.
