Abai oblysynyń ortaǵy Semei qalasynda QHR Tarbaǵatai aimaǵynyń «Shyńjań – jaqsy jer» atty kontserti ótti. Mádeni shara Qazaqstan men Qytai memleket basshylarynyń qol jetkizgen dostyqty nyǵaitý, sondai-aq «Bir beldeý, bir jol» bastamasyn júzege asyrý maqsatynda uiymdastyryldy, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
Sharada sóz alǵan Tarbaǵatai aimaǵynyń partiia komitetiniń basshysy Liý E shekaralas aimaqtar arasyndaǵy bailanystyń jańa kezeńge qadam basqanyn aityp, búgingi mádeni sharany sonyń bir aiǵaǵy ekendigin alǵa tartty
Al Semei qalasynyń ákimi Nurbol Nursaǵatov 1992 jyly eki el arasyndaǵy diplomatiialyq qatynas ornaǵannan beri ekonomika, saiasat, mádeniet jáne bilim salalaryn qosa alǵanda, túrli yntymaqtastyqta aitarlyqtai jetistikterge jetkenin atap ótti.
– Abai oblysy men Tarbaǵatai aimaǵy arasynda da berik bailanys ornaǵanyn jyl basynan beri ótkizilgen kezdesýler men jasalǵan ekijaqty kelisimder dáleldeidi. Búgingi is-sharalar halyqtar arasyndaǵy dostyqty odan ári nyǵaitýǵa qyzmet etedi. Kontserttik baǵdarlamany daiyndap, mádeni bailanysty damytýǵa qosqan úlesterińiz úshin semeilikter atynan shynaiy alǵysymdy bildiremin. Aldaǵy jumystaryńyzǵa tabys tileimin!» – dedi Nurbol Nursaǵatov.
Kontsert barysynda kórermenderge áýezdi áýen, yrǵaqty biden bólek, Shyńjań ólkesiniń dástúri, ádet-ǵuryptary men kórikti jerleri tanystyryldy. Bul shekaranyń arǵy betindegi aimaqpen jaqynyraq tanysýǵa múmkindik berdi.
