Kesheli beri "Syrt Qasqabulaqta Abaidyń úshishekti dombyrasynyń sulba-sýretin aiaqqa tósetip qoiatyn" joba iske asýda!" degen renishter estilip jatyr jelide.
Bylai qarasańyz, árine, ol sheshimniń ózi idiotizm de siiaqty. Biraq, biz myna jaǵdaidy da eskerýimiz kerek.
Máselen, Jer degenińizdiń ózi kórkemfilosofiialyq turǵyda da, shyn ómirde de - ANA. Oǵan eshkimniń de daýy joq. Sol sebepti, Ony da aiaqpen taptaýǵa bolmaidy. Já, solai eken dep, biz ken izdemei, iship-jemei, qoqysymyzdy tókpei,... molamyzdy turǵyzbai, áýede qalyqtap júre almaimyz ǵoi. Demek, atalmysh joba da - durys sharýa. Ol da - Jer-Ananyń alaqanynda ornalasady.
Sol joba boiynsha, biz, sol kepietti óńirge jolymyz túse qalǵanda, kemeńgerdiń dombyrasynyń qasietin tabanymyzben de sezine, "tiegi men qulaǵyna" táý ete, onyń ainalasyndaǵy qyryq bes tasqa qashala órnektelgen "Qara Sózderdegi" danalyqtyń lebin de sanamyzben bek sińire, bir sát el bolashaǵy men rýhaniiat týraly da oiǵa shoma aiańdai basyp, Qasqabulaqtyń káýsarynan Qara Óleńniń de nárin tatyp almaqqa bara jatamyz...
Já, mynadai ekinshi jaǵdai bar. Máselen, dombyra minsiz jasalsyn-aq, oǵan qońyrúndi qoi ishegi taǵylsyn-aq, ádemi kúilensin-aq, eger tiek bolmasa, bári - beker. Dombyranyń myiy da, júregi de - tiek. Onsyz dombyra - mylqaý.
Al, jobadaǵy "tiek" - tastan qashala ornatylǵan, kólemi sandyqtai órnekti "tiek". Sol sebepti de ol aiaqqa taptalmaidy.
Demek, "Abai dombyrasy" da aiaqqa taptalmaidy degen sóz. Sol "Abai dombyrasynyń" ózi, beinelep aitqanda, - "dombyranyń kóleńkesi" ǵana. Al, dombyranyń kóleńkesin taptama!" degen tyiym joq.
Bolsa, onda biz Uly Túzde, shaqyraia shyjyǵan Kún astyndaǵy babalar mazarynyń kóleńkesin aiaǵymyzben basyp turyp, súiegi sol mazarlarda saqtalǵan qasietti arýaqqa da minájat ete almas edik qoi!..
Úshinshi jaǵdai. "Juldyzdar alleiasy". Aiaq astyndaǵy ondai alleialar álemniń birneshe qalalarynda jasalǵan. Moskvadaǵysynda ózimizdiń juldyzymyz Roza Rymbaeva qaryndasymyzdyń aty-jóni jazylǵan "juldyz" da bar.
[perfectpullquote align="full" bordertop="false" cite="" link="" color="" class="" size=""]
Tórtinshi jaǵdai. Geoglif máselesi. Saryarqada ondai ǵajaptardyń kosmostan da anyq kórinetin talai nusqalary saqtalǵan. "Abai dombyrasy" jobasy da - sondai bir geoglif.[/perfectpullquote]
Besinshi, eń basty másele. Jerbetindik tirshilik ieleri úshin Kúnnen asqan qasietti eshteńe joq. "Janymyz - Kúnnen kelgen nurdan, tánimiz - topyraq pen sýdan". Shahkerim áýlie solai deidi. Al, sol Kúnniń beinesin biz jamby túrinde jasap, ony jebemen atyp, mergendigimizdi synaimyz. Jaqshylyqqa baýlityn sport oiyny sondai. Altyn jamby - Kún simvoly. Jamby" ataýy da - Kúnniń ejelgi IAM (JAM; m+b simbozy arqyly, "JAM+b/y/" túrinde qalyptasqan) ataýynan. Dombyranyń ózi de - Kún simvoly. Toǵyz pernesi - Kúnniń aq nurynan taraityn toǵyz túrli toǵyz nur isharasy. Dombyra moiyny - Kúnnen taralatyn nurlardyń jalpy sipatyn sýretteidi. Dombyranyń shanaǵy - "Kúnniń ózi". Onyń ortasyndaǵy oiyq - Kúnniń rýh-qudaiyn beineleidi.
Sondyqtan, "Abai dombyrasy" jobasyna qatysty shý kóterip jatqan aǵaiyndardiki durys emes dep oilaimyz. Áriberiden soń, sol dańǵaza kóterip jatqan azamattardyń birazy - edenine dombyra sýreti salynǵan úlken sahnalarda talai ret tamyljyta án de shyrqaǵan tarlan jigitter.
Ósek bolmas úshin, aita keteiin. Óz basymnyń ol jobaǵa eshqandai da qatysym joq. Taldaýlaryna da, saraptaýlaryna da, sheshimniń qabyldanýyna da meni esh ákimshilik shaqyrǵan emes.
