Almatyda osydan 27 jyl buryn zańsyz ielikke ótip ketken oqý oryndarynyń biriniń ǵimaraty qaitaryldy. Áńgime ataqty Abai atyndaǵy Qazaq ulttyq pedagogikalyq ýniversiteti týraly bolyp otyr, - dep habarlaidy Dalanews.kz.
Almaty qalasy Medeý aýdanynyń prokýratýrasy Abai atyndaǵy Qazaq ulttyq pedagogikalyq ýniversitetiniń múlkin zańsyz ielikten shyǵarý deregin anyqtady.
"1997 jyly jekeshelendirý jónindegi aýmaqtyq komitet, oqý korpýsy ǵimaratynyń bir bóligin 196 000 teńgege zańsyz satty. Sol jyly 62 000 teńgege 26 sotyq jer telimi de zańsyz satylǵan", - dep jazylǵan Almaty qalasynyń prokýratýrasy málimetinde.
Ýniversitet ǵimaraty respýblikalyq mańyzy bar tarihi jáne mádeniet eskertkishterine jatady, al jer ýchaskesinde qalanyń eń eski sáýlet qurylystarynyń biri "Eski qaqpa" ornalasqan.
Keiin oqý korpýsynyń ǵimaratynda "Eski qaqpa" atty meiramhana oiyn-saýyq mekemesi de uiymdastyrylǵan.
Medeý aýdanynyń prokýratýrasy jyljymaityn múlikti satyp alý-satý mámileleriniń kúshin joiý týraly sotqa shaǵym túsirdi.
Sot sheshimimen qadaǵalaý organynyń talap aryzy qanaǵattandyrylyp, múlik qaitaryldy, sheshim zańdy kúshine endi.
