Abai Qunanbaiulynyń 180 jyldyǵyna orai Abai oblysy men Esik qalasyndaǵy «Bilim-Innovatsiia» litseileriniń Ákeler keńesi men ustazdary tarihi-tanymdyq saparǵa shyqty,- dep habarlaidy Dalanews.kz
Jalpy uzyndyǵy shamamen 180 shaqyrym bolatyn Semei – Bórili – Aqshoqy – Jidebai baǵytyn úsh kún júrip ótti. Bul sapar Abai álemine taǵzym retinde uiymdastyryldy.
Sapar Bórilidegi Muhtar Áýezovtiń mýzei-úiinen bastaldy. Qatysýshylar kiiz úi tigip, ulttyq taǵam ázirlep, dastarhan jaidy. Semeilik ákeler esiktik saparlastaryna shapan jaýyp, iltipat kórsetse, Qońyr áýlie basynda esiktik ákeler de qurmet bildirdi.
Bórili men Aqshoqy arasyndaǵy 36 shaqyrym joldy atpen júrip ótken top Aqshoqyda qonyp, kelesi kúni Qunanbai qajy ziratyna baryp, Quran baǵyshtady. Kúshikbai batyr bulaǵy, Qunanbai Óskenbaiuly murajaiy, Áigerim bulaǵy, Qońyr áýlie úńgiri, Abaidyń murajai-úii, Jidebai qorymy jáne Keńgirbai bi kesenesi syndy kieli mekenderde bolyp, taǵzym etti.
Tarihi sapardy Ákeler keńesi uiymdastyrdy. Maqsaty – Abai murasyna qurmet kórsetý arqyly ulttyq rýhty dáripteý, tarihi tanymdy tereńdetý jáne ata-analar men pedagogter arasyndaǵy rýhani bailanys pen yntymaqtastyqty nyǵaitý.
