Búgin Abai ýniversitetinde jańa Aqparattyq tehnologiialar jáne jasandy intellekt fakýltetiniń resmi ashylý saltanaty ótti. Zamanaýi tehnologiialardyń zamany dáýirlegen ýaqytta qurylǵan fakýltet jańa býyn pedagogtaryn daiarlaýdy maqsat etedi, dep habarlaidy dalanews.kz.
Biyl Memleket basshysy Qasym-Jomart Toqaevtyń bastamasymen Tsifrlandyrý jáne jasandy intellekt jyly dep jariialanǵany belgili. Osyǵan bailanysty qasietti qara shańyraqta túrli igi bastamalar qolǵa alyndy. Negizgi ideia – jańa zaman talaby qoiyp otyrǵan táýekelderge daiyn bola otyryp, zamanaýi ári innovatsiialyq turǵydan oilaityn jańa býyn pedagogtaryn qalyptastyrý. Osy maqsatta búgin jańadan ashylǵan Aqparattyq tehnologiialar jáne jasandy intellekt fakýltetiniń tusaýy saltanatty túrde kesilip, stýdentterge esigin aiqara ashty. Jiyndy ashqan Abai atyndaǵy QazUPÝ Basqarma Tóraǵasy-Rektor Bolat Tilep jańa fakýltettiń qurylýy – Memleket basshysy Qasym-Jomart Toqaevtyń jasandy intellektini el damýynyń basym baǵyttarynyń biri retinde aiqyndaǵan tapsyrmasyn júzege asyrý maqsatynda uiymdastyrylǵanyn atap ótti.
– Biz stýdentterge jańa, zamanaýi bilim berýimiz kerek. Sońǵy jyldary ýniversitette jasandy intellektke baǵyttalǵan ǵylymi jobalar kóbeidi. Demek, jańa fakýltet óz jumysyn endi ǵana bastap otyrǵan joq. Onyń súienetin ǵylymi negizi, jinaqtalǵan tájiribesi, bilikti mamandary jetkilikti. Árine, jasandy intellekt muǵalimniń ornyn almastyrmaidy. Biraq, biz ony kómekshi qural retinde paidalanýǵa úiretemiz ári zamanaýi tehnologiialardy meńgergen pedagog mamandardy daiarlaimyz, – dedi Bolat Anapiiauly.
Tusaýkeser rásiminde fakýltettiń maqsat-mindetteri aiqyndalyp, akademiialyq quram men múmkindikteri tanystyryldy. Jańa býyn pedagog mamandaryn daiarlaýǵa qatysty materialdyq-tehnikalyq baza men túrli zerthanalar kóz qýanyshyna ainaldy.
Búginde fakýltette tórt bilim berý baǵdarlamasy boiynsha 810 stýdent bilim alyp jatyr. Onyń ishinde IT jáne jasandy intellekt baǵytyna 300-ge jýyq bilim alýshy qabyldanǵan. Fakýltet jasandy intellekt jáne mashinalyq oqytý, baǵdarlamalyq injeneriia, aqparattyq júieler, kiberqaýipsizdik, derekterdi taldaý jáne Data Science, robototehnika jáne intellektýaldy júieler, tsifrlyq pedagogika, generativti jasandy intellekt jáne aqparattyq tehnologiialar salalary boiynsha jumys isteidi.
Jańa fakýltettiń basty ereksheligi – IT salasyndaǵy bilimdi pedagogikalyq baǵytpen ushtastyryp, JI jaýapkershiligin meńgergen tsifrlyq muǵalimderdi somdap shyǵarý.
