بٷگٸن اباي ۋنيۆەرسيتەتٸندە جاڭا اقپاراتتىق تەحنولوگييالار جەنە جاساندى ينتەللەكت فاكۋلتەتٸنٸڭ رەسمي اشىلۋ سالتاناتى ٶتتٸ. زاماناۋي تەحنولوگييالاردىڭ زامانى دەۋٸرلەگەن ۋاقىتتا قۇرىلعان فاكۋلتەت جاڭا بۋىن پەداگوگتارىن دايارلاۋدى ماقسات ەتەدٸ, دەپ حابارلايدى dalanews.kz.
بيىل مەملەكەت باسشىسى قاسىم-جومارت توقاەۆتىڭ باستاماسىمەن تسيفرلاندىرۋ جەنە جاساندى ينتەللەكت جىلى دەپ جارييالانعانى بەلگٸلٸ. وسىعان بايلانىستى قاسيەتتٸ قارا شاڭىراقتا تٷرلٸ يگٸ باستامالار قولعا الىندى. نەگٸزگٸ يدەيا – جاڭا زامان تالابى قويىپ وتىرعان تەۋەكەلدەرگە دايىن بولا وتىرىپ, زاماناۋي ەرٸ يننوۆاتسييالىق تۇرعىدان ويلايتىن جاڭا بۋىن پەداگوگتارىن قالىپتاستىرۋ. وسى ماقساتتا بٷگٸن جاڭادان اشىلعان اقپاراتتىق تەحنولوگييالار جەنە جاساندى ينتەللەكت فاكۋلتەتٸنٸڭ تۇساۋى سالتاناتتى تٷردە كەسٸلٸپ, ستۋدەنتتەرگە ەسٸگٸن ايقارا اشتى. جيىندى اشقان اباي اتىنداعى قازۇپۋ باسقارما تٶراعاسى-رەكتور بولات تٸلەپ جاڭا فاكۋلتەتتٸڭ قۇرىلۋى – مەملەكەت باسشىسى قاسىم-جومارت توقاەۆتىڭ جاساندى ينتەللەكتٸنٸ ەل دامۋىنىڭ باسىم باعىتتارىنىڭ بٸرٸ رەتٸندە ايقىنداعان تاپسىرماسىن جٷزەگە اسىرۋ ماقساتىندا ۇيىمداستىرىلعانىن اتاپ ٶتتٸ.
– بٸز ستۋدەنتتەرگە جاڭا, زاماناۋي بٸلٸم بەرۋٸمٸز كەرەك. سوڭعى جىلدارى ۋنيۆەرسيتەتتە جاساندى ينتەللەكتكە باعىتتالعان عىلىمي جوبالار كٶبەيدٸ. دەمەك, جاڭا فاكۋلتەت ٶز جۇمىسىن ەندٸ عانا باستاپ وتىرعان جوق. ونىڭ سٷيەنەتٸن عىلىمي نەگٸزٸ, جيناقتالعان تەجٸريبەسٸ, بٸلٸكتٸ ماماندارى جەتكٸلٸكتٸ. ەرينە, جاساندى ينتەللەكت مۇعالٸمنٸڭ ورنىن الماستىرمايدى. بٸراق, بٸز ونى كٶمەكشٸ قۇرال رەتٸندە پايدالانۋعا ٷيرەتەمٸز ەرٸ زاماناۋي تەحنولوگييالاردى مەڭگەرگەن پەداگوگ مامانداردى دايارلايمىز, – دەدٸ بولات اناپيياۇلى.
تۇساۋكەسەر رەسٸمٸندە فاكۋلتەتتٸڭ ماقسات-مٸندەتتەرٸ ايقىندالىپ, اكادەمييالىق قۇرام مەن مٷمكٸندٸكتەرٸ تانىستىرىلدى. جاڭا بۋىن پەداگوگ ماماندارىن دايارلاۋعا قاتىستى ماتەريالدىق-تەحنيكالىق بازا مەن تٷرلٸ زەرتحانالار كٶز قۋانىشىنا اينالدى.
بٷگٸندە فاكۋلتەتتە تٶرت بٸلٸم بەرۋ باعدارلاماسى بويىنشا 810 ستۋدەنت بٸلٸم الىپ جاتىر. ونىڭ ٸشٸندە IT جەنە جاساندى ينتەللەكت باعىتىنا 300-گە جۋىق بٸلٸم الۋشى قابىلدانعان. فاكۋلتەت جاساندى ينتەللەكت جەنە ماشينالىق وقىتۋ, باعدارلامالىق ينجەنەرييا, اقپاراتتىق جٷيەلەر, كيبەرقاۋٸپسٸزدٸك, دەرەكتەردٸ تالداۋ جەنە Data Science, روبوتوتەحنيكا جەنە ينتەللەكتۋالدى جٷيەلەر, تسيفرلىق پەداگوگيكا, گەنەراتيۆتٸ جاساندى ينتەللەكت جەنە اقپاراتتىق تەحنولوگييالار سالالارى بويىنشا جۇمىس ٸستەيدٸ.
جاڭا فاكۋلتەتتٸڭ باستى ەرەكشەلٸگٸ – IT سالاسىنداعى بٸلٸمدٸ پەداگوگيكالىق باعىتپەن ۇشتاستىرىپ, جي جاۋاپكەرشٸلٸگٸن مەڭگەرگەن تسيفرلىق مۇعالٸمدەردٸ سومداپ شىعارۋ.
