Abai oblysyndaǵy Orlov shahtasynda burǵylaý qondyrǵysy ornalasqan aýmaqta órt shyqty. Oqiǵa 8 tamyzda shahtanyń 10-shy ken qabatynda bolǵan, dep habarlaidy dalanews.kz.
Tútin baiqalǵannan keiin oqiǵa ornyna tiisti qyzmetter jumyldyrylyp, órt oshaǵy jedel sóndirilgen. Saldarynan eshkim zardap shekken joq. Alaida burǵylaý qondyrǵysyna zaqym kelgen.
KAZ Minerals ókili Ermek Diýzkenevtiń aitýynsha, aldyn ala boljam boiynsha, oqiǵaǵa elektr kabeliniń zaqymdanýy sebep bolýy múmkin.
"Tútinniń shyǵý oshaǵy jedel joiyldy, zardap shekkender joq. Burǵylaý qondyrǵysyna zaqym keldi. Aldyn ala málimet boiynsha, elektr kabeliniń zaqymdanýy sebep bolýy múmkin. Qazir oqiǵanyń naqty sebepteri men mán-jaiy anyqtalyp jatyr. Shahta qalypty rejimde jumys istep tur", - dedi kompaniia ókili.
