QR Aqparat jáne qoǵamdyq damý ministri Dáýren Abaev basqa memleketterde tirkelgen kólikterdiń elimizge ákelinýine jáne paidalanýyna tyiym salýǵa qatysty túsinik berdi, dep habarlaidy Dalanews.kz.
- Bul jańadan oilap shyǵarylǵan nárse emes jáne onyń astarynda ekiushtylyq joq. Sheteldiń tirkeýinde turǵan avtokólikti satyp alǵanda, adamdar baj salyǵy men barlyq tólemderin tólep, qaita tirketkennen keiin ǵana ony paidalanýǵa bolatynyn jaqsy bildi.
Biraq, soǵan qaramastan, olar sanaly túrde mundai kólikterdi ákelip, eshqandai tirkeýsiz oǵan "minip" aldy. Ádettegidei, olar mundai jaǵdailarda ózderine bir múmkindik beriledi dep úmittengen bolar. Biraq avtokólik iesi bolýy tiis qaýiptiligi joǵary obekt ekenin olar durys túsinýi kerek, - dedi Dáýren Abaev "Habar" telearnasyndaǵy "Otkrytyi dialog" baǵdarlamasyna bergen suqbatynda.
Ministr búginderi jolda apat bolǵan kezde izin sýytatyn, jol erejesin óreskel buzatyn, jazalanbaityna bek senimdi júgensizdik sekildi jaǵdailar jii qaitalanyp ketkenin eske saldy.
QR Ishki ister ministrliginiń málimetinshe, Qazaqstanda osyndai júrgizýshilerdiń kinásinen 132 adam qaitys bolǵan.
- Mundai kólikterdiń kópshiligi tárkilengen nemese lombardqa kepilge qoiylǵan, taǵy bolmasa urlanǵan bolyp shyǵady. Eger erteń olardyń ielerin sot oryndaýshylary izdep kelse, onda bul múlikter tolyǵymen zańdy túrde tárkilenedi. Bul jaǵdaidaǵy, eń tańqalarlyq nárse - bul avtokóliktiń qazaqstandyq iesi óz memleketinen ádilettilikti talap etedi jáne biz buǵan nege jol bergenimiz týraly talap qoiady, - dedi tań-tamasha Dáýren Abaev.
Sondai-aq ministr tólenbegen salyqtar men aiyppuldar máselesine de nazar aýdartty.
- Elestetip kórińizshi, bizdiń joldarymyzda sheteldik nómirdegi 200 myńǵa jýyq avtomobil júitkip júr. Olar bizdiń joldarymyzben júredi, bizdiń qorshaǵan ortany lastaidy, biraq olar úshin munyń bárin adal ári zańdardyń tompaq tusyn paidalanbaityn, zańǵa baǵynatyn azamattarymyz tóleidi, - dep sózin túiindedi Abaev.
