– JSDP búgin Almatyda ótken sezine Sizdi shaqyrdy ma?
– Joq.
– Partiia óz atynan sailaýǵa qatysatyn 27 úmitkerdi bekitipti. Bul tizimdegilerdiń deni osy partiianyń quramynda burynnan júrgender eken. Tizimdegi úmitkerlerge kóńilińiz tola ma?
– Sózsiz, laiyqty tulǵalar joq emes. Biraq men osydan biraz ýaqyt buryn BAQ-ta "JSDP múmkindiginshe bilikke syn aityp, balama usynys aityp júrgen, elge tanymal azamattardy, sonyń ishinde keshegi "Azat", "Alǵa", KPK partiialarynda bolǵan áriptesteri men eldiń aýzynda júrgen qoǵam qairtakerlerin, ásirese, jastardy, ortaq tizimge shaqyrǵany abzal bolar edi" dep usynys jasaǵanmyn. Olai bola qoimady. Sondyqtan da bul tizim jaqsy, biraq tolyq emes. Sondyqtan da bundai tizimniń demokratiialyq kúshterdiń tolyq qoldaýyna ie bolýy qiyn bolar. Onsyz jemisti naýqan týraly sóz etý retsizdeý.
– Men ol partiiadan alastatylǵanyma úsh jyldyń júzi boldy. Qazirgi basshylyqtyń ne istep, ne qoiyp jatqanyn bilmeimin. Baspasózde de olar kórinbeidi. Biraq oblystardaǵy belsendilermen bailanysymdy úzgen joqpyn. Ósek tasyǵan joqpyn, tek ortaq iske janashyrlyq tanytyp sóilesip júrmin. Óitkeni, osy partiiaǵa men ómirimniń bir bóligin sarp etkenmin. Menińshe, partiiada basshylyq jańarýy tiis. Sol kezde jańa áriptester men músheler kele bastaidy. Elbasynyń ózi «zeinetkerler ketsin» dep jatqanda, oppozitsiialyq partiialar da oilanýy kerek qoi. Áne, kezinde Serikbolsyn Ábdildin aǵamyz óz erkimen KPK basshylyǵynan ketti emes pe?
– Partiia jetekshileriniń oppozitsiialyq iaki erkin pikir aitatyn qoǵamǵa sózi ótimdi adamdardyń ózin ishke tarta almaýynan qandai sebepter bar? Múmkin qarjylyq qiynshylyǵy bar shyǵar?
– O jaǵyn bilmedim. Bálkim, bir sebep – kezinde biregei JSDP «Azat» partiiasyna jik salyp, ekige bólip jibergen tulǵalardyń áli de JSDP basshylyǵynda júrgendiginde bolar. Sol kezde JSDP-nyń bedeli kúrt tómendep ketkeni ras. Qazir kóp adam ony Ábilov pen Tuqiabaidyń jekebas qaqtyǵysy dep sanaidy. Ekeýin tabystyramyn dep ortasynda men júrdim. Sondyqtan biregei partiianyń ydyraýyna biz úsheýmiz de jaýap beremiz. Men sol kezdegi óz kinámdi ashyq moiyndadym. Al basqalar moiyndaǵysy kelmeidi, baiqasam, kináni bir-birine artyp júrgen siiaqty. Árine, partiiaǵa qarjy kerek. Biraq kez kelgen demeýshi qarjyny el aldynda beti ashyq, bolashaǵy bar partiiaǵa ǵana beredi emes pe?
– Ózge partiialar usynys jasap, bizdiń qatarymyzdan sailaýǵa túsińiz dese, keliser me edińiz?
– Jasyratyny joq, «JSDP-nyń tiziminen nege túspedińiz?» dep surap jatqandar joq emes. Biraq ol partiianyń qazirgi basshylyǵynyń maǵan degen kózqarasy beseneden belgili ǵoi (kúledi). Ókinishke orai, ol partiia áli de kósemshildikten aryla qoiǵan joq. Kósemder solai sheshken bolar. Keshegi ózim bas hatshysy bolǵan biregei partiianyń taǵy bir qatysýshysy «Azat» partiiasy, ókinishke orai, bir adamnyń saiasi sheshiminiń qurbany bolǵan siiaqty. «Sailaýǵa qatyspaimyz» dep jatyr. Meniń azamattyq, saiasi pozitsiiama sai keletin basqa partiia kórip otyrǵan joqpyn áli...
– Áńgimeńizge rahmet!
