99 jastaǵy túrkistandyq ardager koronavirýsty jeńip shyqty
Ardagerge koronavirýs diagnozy osydan eki apta buryn qoiylǵan. Naýqastyń dene qyzýy kóterilip, ókpesi qabynyp, álsiregen. Ol shuǵyl túrde Leńgir qalalyq aýrýhanasyna jatqyzylady. Aýrýhanaǵa naýqas eki jaqty polisegmentarly pnevmoniiamen túsken.
Dárigerlerdiń jedel júrgizilgen emdik sharalarynyń kómegimen, eki apta em qabyldaǵan qariia koronavirýstan qulan-taza aiyqty. Densaýlyǵynyń myqtylyǵynyń arqasynda oǵan ókpeniń jasandy dem berý apparaty qajet bolmaǵan. 1922 jyly dúniege kelgen qart áje – Uly Otan soǵysynyń ardageri.
– Gospitalge óte aýyr halde tústim. Ózimdi nashar sezinip, óte múshkil halde edim. Meni shuǵyl túrde osynda alyp kelip, emdedi. Munda men adamnyń adamǵa degen qamqorlyǵyn sezindim. Barlyq dárigerlerge alǵys aitamyn, – deidi 99 jastaǵy soǵys ardageri.
