ارداگەرگە كوروناۆيرۋس دياگنوزى وسىدان ەكى اپتا بۇرىن قويىلعان. ناۋقاستىڭ دەنە قىزۋى كوتەرىلىپ، وكپەسى قابىنىپ، السىرەگەن. ول شۇعىل تۇردە لەڭگىر قالالىق اۋرۋحاناسىنا جاتقىزىلادى. اۋرۋحاناعا ناۋقاس ەكى جاقتى پوليسەگمەنتارلى پنيەۆمونيامەن تۇسكەن.
دارىگەرلەردىڭ جەدەل جۇرگىزىلگەن ەمدىك شارالارىنىڭ كومەگىمەن، ەكى اپتا ەم قابىلداعان قاريا كوروناۆيرۋستان قۇلان-تازا ايىقتى. دەنساۋلىعىنىڭ مىقتىلىعىنىڭ ارقاسىندا وعان وكپەنىڭ جاساندى دەم بەرۋ اپپاراتى قاجەت بولماعان. 1922 جىلى دۇنيەگە كەلگەن قارت اجە – ۇلى وتان سوعىسىنىڭ ارداگەرى.
– گوسپيتالگە وتە اۋىر حالدە ءتۇستىم. ءوزىمدى ناشار سەزىنىپ، وتە مۇشكىل حالدە ەدىم. مەنى شۇعىل تۇردە وسىندا الىپ كەلىپ، ەمدەدى. مۇندا مەن ادامنىڭ ادامعا دەگەن قامقورلىعىن سەزىندىم. بارلىق دارىگەرلەرگە العىس ايتامىن، – دەيدى 99 جاستاعى سوعىس ارداگەرى.
