Pavlodarlyq 93 jastaǵy zeınetker qaıyrymdylyqqa aqsha berip, mýftıattan qajylyqqa joldama aldy, dep habarlaıdy Dalanews.kz.
Pavlodar qalasyndaǵy qarttar úıinde turatyn Saǵadat Jumabaev esimdi qarıa sońǵy 10 jyl boıy qajylyqqa barý úshin zeınetaqysynan aqsha jınaǵan. Ol 3,6 mıllıon teńge kóleminde qarjy jınap, Mekkege attanýdy armandaǵan.
Alaıda 2022 jyly engizilgen jas shekteýine baılanysty (qajylyq tek 65 jasqa deıingi adamdarǵa ruqsat etilgen) armanyna jete almaǵan. Osydan keıin ol jınaǵan qarajatyn qaıyrymdylyqqa jumsaýdy uıǵaryp, aqshany erekshe bala tárbıelep otyrǵan 30 anaǵa bólip berdi – ár otbasyǵa 120 myń teńgeden tıgen.
Saǵadat aqsaqaldyń bul ıgi isi áleýmettik jelide keń tarady. Qarıanyń bul áreketi kópshiliktiń júregin eljiretip, Qazaqstan musylmandary dinı basqarmasy oǵan qajylyqqa tegin joldama syılady. Endi Saǵadat aqsaqal kópten kútken armanyna – qasıetti saparǵa attanatyn bolady.
