9 aida 432 myń sharshy metr turǵyn úi tapsyryldy
Túrkistan oblysy aýmaǵynda barlyq qarjylandyrý kózderinen aǵymdaǵy jyldyń 9 aiynyń qorytyndysymen 432,4 myń sharshy metr turǵyn úi paidalanýǵa berildi. Bul týraly oblystyq qurylys basqarmasynyń basshysy Toqtar Úsipáliev málimdedi, – dep habarlaidy Dalanews.kz Túrkistan oblysynyń Óńirlik kommýnikatsiialar qyzmetine silteme jasap.
Basqarma basshysynyń aitýynsha, «Nurly jer» memlekettik baǵdarlamasy aiasynda, biýdjet qarajaty esebinen oblysta 2021 jyly 118 turǵyn úidiń (6 850 páter, 442 myń sh.m.) qurylysy júrgizilýde. Al Túrkistan qalasy boiynsha 98 turǵyn úi (6 166 páter, 399 myń sh.m.).
– Atalǵan 118 turǵyn úidiń 2026-i – halyqtyń áleýmettik jaǵynan osal toptaryndaǵy azamattarǵa arnalǵan arendalyq páterler bolsa, qalǵan 4 824-i – áleýmettik kredittik páterler. Sondai-aq, Túrkistan qalasynda 20 qabatty 2 turǵyn úi jáne 4-6-8 qabatty kaskadty úiler boi kóterýde. Mundai jobalar buryn-sońdy oblys aýmaǵynda bolmaǵan, – dedi basqarma basshysy.
Sonymen qatar, Túrkistan qalasyn jasyl jelekke ainaldyrý jáne klimatty jaqsartý maqsatynda «Keńsai-Qosqorǵan» sý qoimasy, «Jeti kól» kólder júiesi, jasandy kólder, eskek esý kanaly jáne irrigatsiialyq júielerdiń qurylysy júrgizilýde.
Budan ózge, qala aýmaǵynda tennis ortalyǵy, muz saraiy, at-sport kesheni, Á.Nurmahanov atyndaǵy sport kesheni, demalys oryndary jáne injenerlik infraqurylymdardyń qurylysy júrip jatyr.
