Aita ketsek QR Densaýlyq saqtaý ministri Eljan Birtanov búkil elimiz boiynsha 30 myńnan astam dáriger ústemeaqy alatynyn habarlaǵan edi.
Densaýlyq saqtaý salasyndaǵy qyzmetkerlerdi qarjylyq turǵyda qoldaýdy uiymdastyryp, qosymsha aqyny bólip berý maqsatynda oblystardaǵy jergilikti atqarýshy organdar tiisti komissiiany qurǵan edi. Memlekettiń qoldaýyna ie bolǵan dárigerler alǵysyn aitýda. «Asa qaýipti» sanatqa enetin dárigerler 850 myń teńge ústemeaqyǵa qol jetkizetini belgili.
Sonyń biri – elordadaǵy №3 qalalyq kópbeiindi balalar aýrýhanasynyń dárigeri Ainur Omarova. Qazaqstan ulttyq arnasy arqyly ol 20 kún boiy jumysta júrgenin jetkizdi.
«Eki balamdy osy 20 kún boiy kórgen joqpyn. Olardy jazda demalysqa aparýǵa ýáde bergenmin. Osy alynǵan ashqany ipotekalyq bastapqy tólemge jumsaimyn», - deidi ol.
Balalar juqpaly aýrýhanasynda asa qaýipti birinshi sanatta 6 dáriger qyzmet etedi. Qaýiptiligi ortasha ekinshi sanatta 3 maman. Naýryz aiyndaǵy jalaqylaryna eselep aqsha alǵan olardyń alǵysy sheksiz.
«Óz atymnan jáne osy jerdegi dárigerlerdiń báriniń atynan ministrlikke alǵys bildiremin. Qiyn kezde bizdiń janymyzda boldy. Psihologiialyq kómek kórsetti. Oǵan qosa eńbegimizdi elep, qarjylai qoldaý bildirgeni – zor qýanyshqa keneltip otyr», - deidi atalmysh aýrýhananyń taǵy bir dárigeri Inna Iakovenko.
Ústeme qarajat 3 ai qatarynan beriledi. Bul dárigerler úshin úlken demeý.
Qazir olardyń jumysy qiyndamasa, jeńildegen joq. Sebebi saqtyq sharalaryn qatań saqtap epidemiiany taratpaý úshin olar baryn salýda. Úilerine qashan qaitatyny da ázirge belgisiz.
