Tokioda ótken Olimpiada oiyndaryna Qazaqstannan 93 sportshy qatysty. Jeńiske jetý jolynda bar kúsh-jigeri men sheberligin kórsetken atletterge alǵysymdy bildiremin. Olimpiadanyń qola júldegerlerin quttyqtaimyn. Bul uzaq ýaqyt boiy júrgizgen tabandy jattyǵýlardyń jaqsy nátijesi.
Ulttyq quramanyń Olimpiadadaǵy kórsetkishi sport sekildi asa mańyzdy salada shuǵyl ári tiimdi reformalar júrgizý qajet ekenin kórsetti. Buqaralyq jáne balalar sportyn damytýǵa kóńil bólip, sol arqyly álemdik arenada úlken tabystarǵa qol jetkizýge umtylý qajet.
Alaida, 8 qola medal alyp, jalpy komandalyq esepte 83-orynǵa taban tiregen Ulttyq quramanyń bul kórsetkishi Qazaqstannyń sporttaǵy áleýetine jáne memleket tarapynan sportty damytýǵa bólinip otyrǵan mol qarajatqa sáikes kelmeidi.
Tokio Olimpiadasynan sabaq alyp, Parijde ótetin kelesi oiyndarda halyq úmitin aqtaityndai nátijege qol jetkizý kerek, delingen Prezidenttiń jazbasynda.
