Boijetken jergilikti bazardan azyq-túlik satyp alyp, úiine taksimen qaitpaq bolǵan, alaida júrgizýshi ony belgisiz baǵytqa alyp ketken. Zardap shegýshiniń aitýynsha, er adam oǵan sý usynǵan, sodan keiin ol esin joǵaltypty. Kiimsiz ózen jaǵasynda oianǵanyn aitady.
“Aldymen ózen jaǵasynda zorlady, keiin bir úige apardy. Onda da zorlady, tipti jigitterdi de sonda shaqyrdy. Qaita-qaita bireýlerge telefon soǵyp, “myna jerde qyz bar, kel” dedi. Er adamdar kelip, jumysyn bitirip ketip qaldy. Olar meni uryp-soqty. Eger aiqailap, qarsylyq kórsetsem, meni ózenge laqtyryp jiberetinin aitty”, – dedi jábirlenýshi.
Artynsha ata-anasy balasynyń joǵalǵany týraly politsiiaǵa habarlaǵan. Is "Adam urlaý" baby boiynsha qozǵaldy. Tártip saqshylary qylmyskerlerdiń izine túsip, qyzdy taýyp, úiine qaitardy. Biraq anasy aiaq asty tergeýdi jalǵastyrýdan bas tartty.
“Adam urlaý faktisi boiynsha sotqa deiingi tergeý jalǵasyp jatty. Alaida osy jyldyń 31 mamyrynda aýyl turǵyny taǵy da notariýs kýálandyrǵan aryz berip, bul joly adam urlady degen kúdikti tulǵalarǵa qatysty qylmystyq qýdalaýdy toqtatýdy kórsetken”, – dedi Túrkistan oblysy boiynsha QDP baspasóz hatshysy Saltanat Qarakózova.
10 kúnnen keiin áiel bólimshege qaita kelip, qyzdyń zorlanǵany týraly habarlady. Politseiler onyń sózine senbedi.
“Olar maǵan qyzymnyń kópten beri qyz emes ekenin jazýymdy ótindi. Sosyn olar osylai jazdy. Osydan keiin men ony travmatologke tekserýge apardym. Ýchaskelik politsiia qyzmetkeri bizben birge bardy, kirdi, sóilesti. Biraq dáriger qyzdyń qoly, arqasy, aiaǵy kógergenine mán bergen joq. Ol kezde olar zorlyq-zombylyq faktisin dáleldei almady.
Politsiia saraptama taǵaiyndady. Biraq anasy barlyq aiǵaqty qyzmetkerlerdiń ózi joiǵan deidi .
“Sot-meditsinalyq saraptama qyzmetkerleri zorlyq-zombylyq faktisin joqqa shyǵardy. Sondai-aq jábirlenýshiniń anasy zattai dáleldemelerdi, iaǵni qyzynyń kiimin óz qolymen joq qylǵanyn moiyndady. Osylaisha, sarapshylardyń biologiialyq jáne genetikalyq-molekýlalyq saraptama júrgizýge múmkindigi bolmady”, – dedi Túrkistan oblysy boiynsha DPP baspasóz hatshysy.
Onyń ústine áieldiń qyzyn zorlady degenderden 8 mln teńge aqsha alǵany belgili boldy.
“Olar meniń úiime kúnde keldi, tynyshtyq bolmady. Qyzym: "Olarǵa keshirim joq”, – dedi. Keshirsek, qyzymyzǵa tólqujatyn jasaýǵa kómektesemiz dedi. Onyń qujattary joq. Olar oqýyna kómektesemiz, aqsha tóleimiz dedi. Barlyq jaǵdaidy jasaimyz dedi. Olar 8 million berdi, biraq bul aqsha emes. Dárigerlerge qansha aqsha ketedi”, – dedi anasy.
Tipti anasy keshirim berse de, zańdy túrde keshirý múmkin emes. Ótken jyly "Zorlaý" baby tatýlasýǵa tyiym salynǵan aýyr qylmystar sanatyna aýystyryldy. Taǵy bir másele, mundai tergeýler tek saraptama qorytyndysy boiynsha júrgiziledi. Al bes aidan keiin saraptamada áldene kórsete me? Soǵan qaramastan is erekshe baqylaýǵa alyndy.
Derekkóz: Stan.kz
