بويجەتكەن جەرگٸلٸكتٸ بازاردان ازىق-تٷلٸك ساتىپ الىپ, ٷيٸنە تاكسيمەن قايتپاق بولعان, الايدا جٷرگٸزۋشٸ ونى بەلگٸسٸز باعىتقا الىپ كەتكەن. زارداپ شەگۋشٸنٸڭ ايتۋىنشا, ەر ادام وعان سۋ ۇسىنعان, سودان كەيٸن ول ەسٸن جوعالتىپتى. كيٸمسٸز ٶزەن جاعاسىندا ويانعانىن ايتادى.
“الدىمەن ٶزەن جاعاسىندا زورلادى, كەيٸن بٸر ٷيگە اپاردى. وندا دا زورلادى, تٸپتٸ جٸگٸتتەردٸ دە سوندا شاقىردى. قايتا-قايتا بٸرەۋلەرگە تەلەفون سوعىپ, “مىنا جەردە قىز بار, كەل” دەدٸ. ەر ادامدار كەلٸپ, جۇمىسىن بٸتٸرٸپ كەتٸپ قالدى. ولار مەنٸ ۇرىپ-سوقتى. ەگەر ايقايلاپ, قارسىلىق كٶرسەتسەم, مەنٸ ٶزەنگە لاقتىرىپ جٸبەرەتٸنٸن ايتتى”, – دەدٸ جەبٸرلەنۋشٸ.
ارتىنشا اتا-اناسى بالاسىنىڭ جوعالعانى تۋرالى پوليتسيياعا حابارلاعان. ٸس "ادام ۇرلاۋ" بابى بويىنشا قوزعالدى. تەرتٸپ ساقشىلارى قىلمىسكەرلەردٸڭ ٸزٸنە تٷسٸپ, قىزدى تاۋىپ, ٷيٸنە قايتاردى. بٸراق اناسى اياق استى تەرگەۋدٸ جالعاستىرۋدان باس تارتتى.
“ادام ۇرلاۋ فاكتٸسٸ بويىنشا سوتقا دەيٸنگٸ تەرگەۋ جالعاسىپ جاتتى. الايدا وسى جىلدىڭ 31 مامىرىندا اۋىل تۇرعىنى تاعى دا نوتاريۋس كۋەلاندىرعان ارىز بەرٸپ, بۇل جولى ادام ۇرلادى دەگەن كٷدٸكتٸ تۇلعالارعا قاتىستى قىلمىستىق قۋدالاۋدى توقتاتۋدى كٶرسەتكەن”, – دەدٸ تٷركٸستان وبلىسى بويىنشا قدپ باسپاسٶز حاتشىسى سالتانات قاراكٶزوۆا.
10 كٷننەن كەيٸن ەيەل بٶلٸمشەگە قايتا كەلٸپ, قىزدىڭ زورلانعانى تۋرالى حابارلادى. پوليتسەيلەر ونىڭ سٶزٸنە سەنبەدٸ.
“ولار ماعان قىزىمنىڭ كٶپتەن بەرٸ قىز ەمەس ەكەنٸن جازۋىمدى ٶتٸندٸ. سوسىن ولار وسىلاي جازدى. وسىدان كەيٸن مەن ونى تراۆماتولوگكە تەكسەرۋگە اپاردىم. ۋچاسكەلٸك پوليتسييا قىزمەتكەرٸ بٸزبەن بٸرگە باردى, كٸردٸ, سٶيلەستٸ. بٸراق دەرٸگەر قىزدىڭ قولى, ارقاسى, اياعى كٶگەرگەنٸنە مەن بەرگەن جوق. ول كەزدە ولار زورلىق-زومبىلىق فاكتٸسٸن دەلەلدەي المادى.
پوليتسييا ساراپتاما تاعايىندادى. بٸراق اناسى بارلىق ايعاقتى قىزمەتكەرلەردٸڭ ٶزٸ جويعان دەيدٸ .
“سوت-مەديتسينالىق ساراپتاما قىزمەتكەرلەرٸ زورلىق-زومبىلىق فاكتٸسٸن جوققا شىعاردى. سونداي-اق جەبٸرلەنۋشٸنٸڭ اناسى زاتتاي دەلەلدەمەلەردٸ, ياعني قىزىنىڭ كيٸمٸن ٶز قولىمەن جوق قىلعانىن مويىندادى. وسىلايشا, ساراپشىلاردىڭ بيولوگييالىق جەنە گەنەتيكالىق-مولەكۋلالىق ساراپتاما جٷرگٸزۋگە مٷمكٸندٸگٸ بولمادى”, – دەدٸ تٷركٸستان وبلىسى بويىنشا دپپ باسپاسٶز حاتشىسى.
ونىڭ ٷستٸنە ەيەلدٸڭ قىزىن زورلادى دەگەندەردەن 8 ملن تەڭگە اقشا العانى بەلگٸلٸ بولدى.
“ولار مەنٸڭ ٷيٸمە كٷندە كەلدٸ, تىنىشتىق بولمادى. قىزىم: "ولارعا كەشٸرٸم جوق”, – دەدٸ. كەشٸرسەك, قىزىمىزعا تٶلقۇجاتىن جاساۋعا كٶمەكتەسەمٸز دەدٸ. ونىڭ قۇجاتتارى جوق. ولار وقۋىنا كٶمەكتەسەمٸز, اقشا تٶلەيمٸز دەدٸ. بارلىق جاعدايدى جاسايمىز دەدٸ. ولار 8 ميلليون بەردٸ, بٸراق بۇل اقشا ەمەس. دەرٸگەرلەرگە قانشا اقشا كەتەدٸ”, – دەدٸ اناسى.
تٸپتٸ اناسى كەشٸرٸم بەرسە دە, زاڭدى تٷردە كەشٸرۋ مٷمكٸن ەمەس. ٶتكەن جىلى "زورلاۋ" بابى تاتۋلاسۋعا تىيىم سالىنعان اۋىر قىلمىستار ساناتىنا اۋىستىرىلدى. تاعى بٸر مەسەلە, مۇنداي تەرگەۋلەر تەك ساراپتاما قورىتىندىسى بويىنشا جٷرگٸزٸلەدٸ. ال بەس ايدان كەيٸن ساراپتامادا ەلدەنە كٶرسەتە مە? سوعان قاراماستان ٸس ەرەكشە باقىلاۋعا الىندى.
دەرەككٶز: Stan.kz
