Almaty oblysynda áleýmettik jaǵdai ýshyǵyp tur. Halyq Narynqol men Kegen aýyldaryn jalǵaityn shaǵyn joldyń taǵdyryna alańdaýly, dep habarlaidy Dalanews.kz.
Pisma Prezidentý telegram arnasynyń málimetinshe, “QazAvtoJol” ulttyq kompaniiasy bul baǵytty jóndeýge 7,9 mlrd teńgege tender jariialaǵan.
“Jeńimpaz retinde “Nurly Jol-7” jaýapkershiligi shekteýli seriktestigi anyqtalǵan. Alaida arada biraz ýaqyt ótse de, jergilikti turǵyndar jol boiynda eshqandai jumys bastalmaǵanyn aityp dabyl qaǵýda. Olar bilik ókilderiniń qurǵaq ýádesinen sharshaǵandaryn jetkizdi”, — deidi derekkóz.
Aita keteiik, buǵan deiin Almaty qalasynyń ákimdigi Ójet shaǵynaýdany turǵyndarynyń Tilendiev kóshesiniń jobasyn qaita qaraý týraly talabyna jaýap bergen edi.
"Tilendiev kóshesiniń baǵytyn ózgertý múmkin emes, óitkeni onyń batys jaǵynda jol salýǵa bolmaityn úlken sai ornalasqan. Joldyń qyzyl syzyqtaryn shyǵysqa jyljytý jer telimderiniń burynǵydan da kóp mólsherde satyp alynýyna ákep soǵady", – dep málimdedi ákimdik.
Sheneýnikterdiń aitýynsha, "memleket qajettiligi úshin jer telimderi olardyń quqyqtyq negizine qaramastan, naryqtaǵy baǵamen satyp alynady".
Bas jospar men egjei-tegjeili josparlaý jobalaryna sáikes, Tilendiev kóshesin Rysqulov dańǵylynan bastap qalanyń shekarasyna deiin uzartý josparlanǵan, jalpy uzyndyǵy – 10,8 shaqyrym.
Joba eki kezeńge bólinedi:
-
1-kezeń – Rysqulov dańǵylynan Darhan shaǵynaýdanyndaǵy Sabataev kóshesine deiin, 5,8 shaqyrym. Bul kezeńde 165 jer telimi satyp alynady.
-
2-kezeń – Sabataev kóshesinen qala shekarasyna deiin, 4,9 shaqyrym. Munda 392 jer telimi satyp alynýǵa tiis.
Jýyrda Alataý aýdanynyń turǵyndary Almatynyń jańa ákimi Darhan Satybaldyǵa resmi túrde úndeý joldady. Olar Tilendiev kóshesi salynýy saldarynan jalǵyz baspanalarynan aiyrylyp qalýy múmkin ekenin aitty.
Turǵyndardyń sózinshe, bul sheshim aqylǵa qonymsyz, óitkeni joldy basqa baǵytpen de júrgizýge bolady jáne jer telimderin, úilerdi satyp alýǵa milliardtaǵan teńge jumsamaýǵa bolady.
"Biz memleket biýdjetinen milliardtaǵan teńgeni únemdeýdi usynyp otyrmyz. ...Biz toqtamaimyz, sońyna deiin úiimiz úshin kúresemiz. Óitkeni kóp qarjy jumsalmaityn jerde milliardtaǵan teńgeni bosqa shashý – búkil memleket múddesine qarsy sheshim", – delingen turǵyndar joldaǵan úndeýde.
