Basqarma tóraǵasynyń aıtýynsha, atalǵan jobalar «Ońtústik» ındýstrıaldy aımaq jáne «Ońtústik» arnaıy ekonomıkalyq aımaǵynda júrgiziledi.
«Bıylǵy jyly qol alynatyn 20 jobanyń 12-in «Shymkent» áleýmettik-kásipkerlik korporasıasy júzege asyrady. Onyń quny 23,463,3 mln. teńgeni qurap otyr. Al, «Ońtústik» arnaıy ekonomıkalyq aımaǵy jalpy quny 3,5 mlrd. teńgelik 5 jobany iske asyrýdy josparlaýda. Budan bólek, «Ońtústik» ındýstrıaldy aımaq 40 mlrd. teńgeni quraıtyn 5 jobany iske qosý maqsatyn kózdep otyr», – dedi Aıtmuhammed Turarbekuly.
Jalpy 2017 jyly «Shymkent» ÁKK transformasıalaý kezeńinen ótken. Nátıjesinde jańa jumys ádisi ázirlenip, ınvestısıalyq jobalardy tıimdi basqarýǵa jáne iske asyrýǵa baǵyttalǵan basqarý júıesi engizilgen. Osynyń arqasynda birqatar aýqymdy jobalardy iske asyrý isi jeńildeı túsken. Máselen, Qarabulaq aýylynda sút óndirý jáne qaıta óńdeý klasteri quryldy. Sondaı-aq, «Astana» turǵyn úı keshenin salý boıynsha otandyq ınvestorlar 4 blok turǵyn úı keshenine 1 mlrd 507 mln teńge qarjy quıǵan bolatyn. Búginde onyń 2-i el ıgiligine tapsyrylǵan.
Aıta keteıik, búginde oblysymyzda ınvestısıalyq jobalardyń sany men sapasyn arttyrý maqsatynda «Shymkent» ÁKK-nyń «Ontustik Invest» ınvestorlarǵa qyzmet kórsetý bólimi qaltqysyz jumys isteýde. Ondaǵy mamandar bıznes-jobamen keletin ınvestorlarǵa tıisti deńgeıde kómek qolyn sozady. Sondaı-aq, atalǵan mekeme qurylys, agroónerkásiptik keshen, jer qoınaýyn paıdalaný, energetıka, memleketttik – jeke seriktestik jáne «Smart Ontustik» aqparattyq tehnologıalaryn engizýge atsalysyp otyr.
OQO ákiminiń baspasóz qyzmeti
