باسقارما ءتوراعاسىنىڭ ايتۋىنشا، اتالعان جوبالار «وڭتۇستىك» يندۋستريالدى ايماق جانە «وڭتۇستىك» ارنايى ەكونوميكالىق ايماعىندا جۇرگىزىلەدى.
«بيىلعى جىلى قول الىناتىن 20 جوبانىڭ 12ء-ىن «شىمكەنت» الەۋمەتتىك-كاسىپكەرلىك كورپوراسياسى جۇزەگە اسىرادى. ونىڭ قۇنى 23،463،3 ملن. تەڭگەنى قۇراپ وتىر. ال، «وڭتۇستىك» ارنايى ەكونوميكالىق ايماعى جالپى قۇنى 3،5 ملرد. تەڭگەلىك 5 جوبانى ىسكە اسىرۋدى جوسپارلاۋدا. بۇدان بولەك، «وڭتۇستىك» يندۋستريالدى ايماق 40 ملرد. تەڭگەنى قۇرايتىن 5 جوبانى ىسكە قوسۋ ماقساتىن كوزدەپ وتىر»، – دەدى ايتمۇحاممەد تۇراربەك ۇلى.
جالپى 2017 جىلى «شىمكەنت» اكك ترانسفورماسيالاۋ كەزەڭىنەن وتكەن. ناتيجەسىندە جاڭا جۇمىس ءادىسى ازىرلەنىپ، ينۆەستيسيالىق جوبالاردى ءتيىمدى باسقارۋعا جانە ىسكە اسىرۋعا باعىتتالعان باسقارۋ جۇيەسى ەنگىزىلگەن. وسىنىڭ ارقاسىندا ءبىرقاتار اۋقىمدى جوبالاردى ىسكە اسىرۋ ءىسى جەڭىلدەي تۇسكەن. ماسەلەن، قارابۇلاق اۋىلىندا ءسۇت ءوندىرۋ جانە قايتا وڭدەۋ كلاستەرى قۇرىلدى. سونداي-اق، «استانا» تۇرعىن ءۇي كەشەنىن سالۋ بويىنشا وتاندىق ينۆەستورلار 4 بلوك تۇرعىن ءۇي كەشەنىنە 1 ملرد 507 ملن تەڭگە قارجى قۇيعان بولاتىن. بۇگىندە ونىڭ 2ء-ى ەل يگىلىگىنە تاپسىرىلعان.
ايتا كەتەيىك، بۇگىندە وبلىسىمىزدا ينۆەستيسيالىق جوبالاردىڭ سانى مەن ساپاسىن ارتتىرۋ ماقساتىندا «شىمكەنت» اكك-نىڭ «Ontustik Invest» ينۆەستورلارعا قىزمەت كورسەتۋ ءبولىمى قالتقىسىز جۇمىس ىستەۋدە. ونداعى ماماندار بيزنەس-جوبامەن كەلەتىن ينۆەستورلارعا ءتيىستى دەڭگەيدە كومەك قولىن سوزادى. سونداي-اق، اتالعان مەكەمە قۇرىلىس، اگروونەركاسىپتىك كەشەن، جەر قويناۋىن پايدالانۋ، ەنەرگەتيكا، مەملەكەتتتىك – جەكە سەرىكتەستىك جانە «Smart Ontustik» اقپاراتتىق تەحنولوگيالارىن ەنگىزۋگە اتسالىسىپ وتىر.
وقو اكىمىنىڭ باسپا ءسوز قىزمەتى
