Qasietti aidaǵy qaiyrymdylyq is-sharalary osylai bastalǵan bolatyn. Shymkent qalasynda biylǵy Ramazan aiyna orai kóptegen qaiyrymdylyq is-sharalary uiymdastyryldy.
2021 jylǵy 13 sáýir men 12 mamyr aralyǵynda qala ákiminiń «Ramazan qaiyrymdylyq aiy» atty igi is-sharaǵa kásipkerler qoldaý kórsetip, shahardaǵy «Aqmeshit, «A.Qattani», «Ál Bilál», «Nur-tóbe», «Baiǵut baba», «Sairam jámi» meshitterinde jariialy túrde 11 180 otbasyǵa azyq-túlik berildi.
Budan bólek, qala aýmaǵyndaǵy meshitterde janashyr azamattardyń qoldaýymen 21 320 otbasyǵa azyq-túlik úlestirildi. Qaiyrymdylyq is-sharalarynda muqtaj otbasylardyń dini men ultyna bólmei, kómek kórsetildi.
Sonymen qatar, QMDB Shymkent qalasy boiynsha ókildigi, demeýshi azamattardyń, janashyr jamaǵattyń atsalysýymen qaladaǵy 32 meshit Ramazan aiy boiy kún saiyn ystyq tamaq, aýyzashar sebetin 42 255 turǵynnyń mekenjailaryna jetkizip otyrdy.
Jalpy aitqanda, bir ai boiy qala aýmaǵynda demeýshi azamattardyń, janashyr jamaǵattyń atsalysýymen muqtaj jáne kópbalaly otbasylarǵa 32 500 azyq-túlik, 42 255 aýyzashar sebetteri taratyldy.
Ramazan aiyna bailanysty uiymdastyrylǵan is-sharalar tolyǵymen qala turǵyndaryna jergilikti BAQ quraldary men áleýmettik jeliler arqyly habarlanyp otyrdy.
