قاسيەتتى ايداعى قايىرىمدىلىق ءىس-شارالارى وسىلاي باستالعان بولاتىن. شىمكەنت قالاسىندا بيىلعى رامازان ايىنا وراي كوپتەگەن قايىرىمدىلىق ءىس-شارالارى ۇيىمداستىرىلدى.
ق ر باس مەملەكەتتىك سانيتار دارىگەردىڭ جانە شىمكەنت قالاسىنىڭ باس مەملەكەتتىك سانيتار دارىگەرىنىڭ قاۋلىسىنا سايكەس، ءداستۇرلى تۇردە وتەتىن اۋىزاشار داستارحانىنىڭ ورنىنا ازىق-تۇلىك تۇرىندە مۇقتاج جانە كوپبالالى وتباسىلارعا ۇلەستىرۋ باستاماسى جۇزەگە اسىرىلدى.
2021 جىلعى 13 ءساۋىر مەن 12 مامىر ارالىعىندا قالا اكىمىنىڭ «رامازان قايىرىمدىلىق ايى» اتتى يگى ءىس-شاراعا كاسىپكەرلەر قولداۋ كورسەتىپ، شاھارداعى «اقمەشىت، «ا.قاتتاني»، «ءال ءبىلال»، «نۇر-توبە»، «بايعۇت بابا»، «سايرام ءجامي» مەشىتتەرىندە جاريالى تۇردە 11 180 وتباسىعا ازىق-تۇلىك بەرىلدى.
بۇدان بولەك، قالا اۋماعىنداعى مەشىتتەردە جاناشىر ازاماتتاردىڭ قولداۋىمەن 21 320 وتباسىعا ازىق-تۇلىك ۇلەستىرىلدى. قايىرىمدىلىق ءىس-شارالارىندا مۇقتاج وتباسىلاردىڭ ءدىنى مەن ۇلتىنا بولمەي، كومەك كورسەتىلدى.
سونىمەن قاتار، قمدب شىمكەنت قالاسى بويىنشا وكىلدىگى، دەمەۋشى ازاماتتاردىڭ، جاناشىر جاماعاتتىڭ اتسالىسۋىمەن قالاداعى 32 مەشىت رامازان ايى بويى كۇن سايىن ىستىق تاماق، اۋىزاشار سەبەتىن 42 255 تۇرعىننىڭ مەكەنجايلارىنا جەتكىزىپ وتىردى.
جالپى ايتقاندا، ءبىر اي بويى قالا اۋماعىندا دەمەۋشى ازاماتتاردىڭ، جاناشىر جاماعاتتىڭ اتسالىسۋىمەن مۇقتاج جانە كوپبالالى وتباسىلارعا 32 500 ازىق-تۇلىك، 42 255 اۋىزاشار سەبەتتەرى تاراتىلدى.
رامازان ايىنا بايلانىستى ۇيىمداستىرىلعان ءىس-شارالار تولىعىمەن قالا تۇرعىندارىنا جەرگىلىكتى ب ا ق قۇرالدارى مەن الەۋمەتتىك جەلىلەر ارقىلى حابارلانىپ وتىردى.
