Qazaqstan Qorǵanys ministrligi elde biyl 7 jáne 9 mamyr merekeleri qandai formatta ótetinin málimdedi. Bul týraly Senattaǵy brifingte qorǵanys ministriniń orynbasary Asqar Mustabekov aitty, dep habarlaidy Dalanews.kz.
Onyń sózinshe, biyl áskeri sherý ótkizý josparlanbaǵan.
Onyń ornyna óńirlerde 7 mamyr – Otan qorǵaýshylar kúni jáne 9 mamyr – Jeńis kúnine arnalǵan túrli is-sharalar uiymdastyrylady. Atap aitqanda, plats-kontsertter, qarý-jaraq pen áskeri tehnikanyń kórmeleri, sondai-aq sarbaz botqasy usynylatyn dala ashanalary ótedi.
Sonymen qatar merekelik sharalarǵa Uly Otan soǵysynyń ardagerleri men tyl eńbekkerleri shaqyrylady.
Asqar Mustabekov merekelik is-sharalardy qarjylandyrý jergilikti deńgeide júzege asyrylatynyn jetkizdi.
Onyń aitýynsha, bul maqsatqa respýblikalyq biýdjetten bólek qarajat bólinbegen, barlyq shyǵyn jergilikti biýdjet esebinen óteledi.
