Aqtóbe qalasynda áleýmettik osal sanattaǵy azamattardy turǵyn úımen qamtamasyz etýge bólingen búdjet qarajatyn jymqyrý faktisi boıynsha rezonans týdyrǵan is boıynsha sot úkimi shyǵaryldy, dep habarlaıdy Dalanews.kz
Qylmystyq shema Muǵaljar aýdany prokýratýrasymen 2024 jylǵy sáýir aıynda ákimdik tarapynan áleýmettik turǵyn úıdi satyp alýdyń zańdylyǵyna júrgizilgen taldaý barysynda anyqtaldy.
Atalǵan fakti boıynsha sotqa deıingi tergep-tekserý bastaldy. Tergep-tekserý barysynda aýdandyq máslıhattyń tóraǵasy men depýtaty ákimdik qyzmetkeriniń qatysýymen memleketke tolyqqandy kóppáterli turǵyn úıdiń ornyna jataqhana satqandyǵy anyqtaldy. Nátıjesinde memleketke 672 mln. teńge mólsherinde zalal keltirilgen.
Memlekettik aıyptaýshy basty sot talqylaýynda aıyptaýdy qoldap, sotqa qorǵaý tarapynyń ýájderin tolyq joqqa shyǵaratyn dáleldemelerdi usyndy.
Búgin, Aqtóbe qalasynyń №2 sotynyń úkimimen kináli tulǵalardyń múlki tárkilenip, árqaısysy ártúrli bas bostandyǵynan aıyrý jazasyna sottaldy, jazany ortasha qaýipsizdik mekemesinde óteıtin bolady. Keltirilgen zalal somasy sottalǵandardan ortaq tártippen óndirildi.
Úkim zańdy kúshine engen joq.
