اقتوبە قالاسىندا الەۋمەتتىك وسال ساناتتاعى ازاماتتاردى تۇرعىن ۇيمەن قامتاماسىز ەتۋگە بولىنگەن بيۋدجەت قاراجاتىن جىمقىرۋ فاكتىسى بويىنشا رەزونانس تۋدىرعان ءىس بويىنشا سوت ۇكىمى شىعارىلدى، دەپ حابارلايدى Dalanews.kz
قىلمىستىق سحەما مۇعالجار اۋدانى پروكۋراتۋراسىمەن 2024 جىلعى ءساۋىر ايىندا اكىمدىك تاراپىنان الەۋمەتتىك تۇرعىن ءۇيدى ساتىپ الۋدىڭ زاڭدىلىعىنا جۇرگىزىلگەن تالداۋ بارىسىندا انىقتالدى.
اتالعان فاكتى بويىنشا سوتقا دەيىنگى تەرگەپ-تەكسەرۋ باستالدى. تەرگەپ-تەكسەرۋ بارىسىندا اۋداندىق ءماسليحاتتىڭ ءتوراعاسى مەن دەپۋتاتى اكىمدىك قىزمەتكەرىنىڭ قاتىسۋىمەن مەملەكەتكە تولىققاندى كوپپاتەرلى تۇرعىن ءۇيدىڭ ورنىنا جاتاقحانا ساتقاندىعى انىقتالدى. ناتيجەسىندە مەملەكەتكە 672 ملن. تەڭگە مولشەرىندە زالال كەلتىرىلگەن.
مەملەكەتتىك ايىپتاۋشى باستى سوت تالقىلاۋىندا ايىپتاۋدى قولداپ، سوتقا قورعاۋ تاراپىنىڭ ۋاجدەرىن تولىق جوققا شىعاراتىن دالەلدەمەلەردى ۇسىندى.
بۇگىن، اقتوبە قالاسىنىڭ №2 سوتىنىڭ ۇكىمىمەن كىنالى تۇلعالاردىڭ مۇلكى تاركىلەنىپ، ءارقايسىسى ءارتۇرلى باس بوستاندىعىنان ايىرۋ جازاسىنا سوتتالدى، جازانى ورتاشا قاۋىپسىزدىك مەكەمەسىندە وتەيتىن بولادى. كەلتىرىلگەن زالال سوماسى سوتتالعانداردان ورتاق تارتىپپەن ءوندىرىلدى.
ۇكىم زاڭدى كۇشىنە ەنگەن جوق.
