Etnikalyq qazaqtarǵa – basqa elderdiń azamattaryna Qazaqstanda 10 jyl ómir súrýge jáne jumys isteýge quqyq beretin 65 "Ata joly" kartasy berildi. Elimizde óz isin damytýǵa daiyn biznes-immigranttar 27 karta aldy, al suranysqa ie mamandar osyndai 38 kartanyń iegeri atandy, dep jazady Dalanews.kz QR Eńbek jáne halyqty áleýmettik qorǵaý ministrligine silteme jasap.
"Qazaqtar qai jerde ómir súrse de, olardyń jalǵyz Otany – Qazaqstan. Sondyqtan biz úshin shetelde turatyn otandastarymyzdy qoldaý árqashan mańyzdy", – dedi Qazaqstan Respýblikasynyń Prezidenti Qasym-Jomart Toqaev.
"Ata joly" kartasyn alýshylar ishinde injener-fizik, injener-matematik, himiialyq tehnologtar, jaq-bet hirýrgiiasynyń dárigerleri, pediatrlar jáne t.b. mamandar bar, olar Resei, Germaniia, Mońǵoliia, Qytai, Ulybritaniia, AQSh, Izrail, Frantsiia, Niderlandy, Finliandiia, Qyrǵyzstan jáne Ózbekstan sekildi shet elderden keldi.
"Ata joly" kartasyn engizýdiń maqsaty tarihi otanymen bailanysty nyǵaitý, ulttyq dástúrlerdi saqtaý, Qazaqstanda olardyń áleýetin iske asyrý úshin elge kásipqoilar men tabysty biznesmenderdi tartý bolyp tabylady. Bul Karta shetelde turatyn etnikalyq qazaqtarǵa óz shyǵý elderiniń azamattyǵyn saqtai otyryp beriledi.
"Ata joly" kartasynyń iegerleri elge kirgen kezde 10 jyl merzimge turýǵa ruqsat alady jáne eńbek qyzmetin júzege asyrý nemese biznes júrgizý úshin qonystaný óńirin derbes tańdaidy.
"Ata joly" kartasy bar etnikalyq qazaq basqa eldiń azamaty bola otyryp, Qazaqstan azamattarymen jáne qandastarmen teń quqyqtarǵa ie.
"Ata joly" kartasynyń iegerleri (jáne olardyń otbasy músheleri) mynadai quqyqtarǵa ie:
- meditsinalyq kómektiń kepildik berilgen kólemi sheńberinde meditsinalyq mekemelerde qyzmet jáne áleýmettik tólemder alý;
- QR Eńbek kodeksine jáne «Halyqtyń kóshi-qony týraly» QR Zańyna sáikes Qazaqstan aýmaǵynda jumysqa ornalasý;
- QR Kásipkerlik kodeksine jáne ózge de quqyqtyq aktilerine sáikes Qazaqstan aýmaǵynda kásipkerlik qyzmetti júzege asyrý;
- "Bilim týraly" QR zańyna sáikes memlekettik bilim berý uiymdarynda tegin orta bilim alý, memlekettik orta arnaýly jáne/nemese joǵary oqý oryndarynda konkýrstyq negizde tegin orta arnaýly jáne/nemese joǵary bilim alý, jeke oqý oryndarynda aqyly bilim alý;
- "Advokattyq qyzmet jáne zań kómegi týraly" QR zańyna sáikes memleket kepildik bergen zań kómegin alý;
- azamattyq salasyndaǵy halyqaralyq sharttarǵa jáne QR zańnamalyq quqyqtyq aktilerine sáikes jeńildetilgen tártippen Qazaqstan Respýblikasynyń azamattyǵyn alý.
"Ata joly" kartasy bar adamdardyń QR Parlamenti men máslihattaryna sailanýǵa, sondai-aq sailaýda daýys berýge, respýblikalyq referendýmǵa qatysýǵa quqyǵy joq ári memlekettik qyzmetke qabyldanbaidy.
Eger "Ata joly" kartasynyń iesi Qazaqstan azamattyǵyn alatyn bolsa, onda Karta jaramsyz dep tanylady.
Esterińizge sala keteiik, Memleket basshysynyń tapsyrmasy boiynsha 2023 jyldyń shildesinen bastap shetelde turatyn etnikalyq qazaqtar úshin elge jeńil kirý/shyǵý máselesi pysyqtalǵan "Ata joly" kartasy engizildi.
