Búgin Balalardy qorǵaý kúni Qonaevta erekshe, keń aýqymda toilandy. Aldymen qala ákimi Ashat Berdihanov emhanada em qabyldap jatqan balapandardy quttyqtap shyqty, dep habarlaidy Dalanews.kz.
Keiinnen ortalyq alańda gala-kontsert qoiyldy. Shara balabaqsha túlekteri, birqatar jetistikterge jetken oqýshylardan, sportshylardan, «Jas sarbaz», «Jas politsei» synyptarynyń oqýshylarynan qurylǵan sherýmen ashyldy. Keiinnen bishi balaqailar túrli ult ókilderiniń biin biledi.
Gúldei jaiqalǵan bishilerden keiin qala ákimi turǵyndardy merekemen quttyqtady.
«Búgingi kúni oblys ortalyǵynda 22 myńnan astam balalarymyz bar. Olardyń arasyndaǵy óńirimizdiń namysyn qorǵap, úlken dodalarda jerlesterin qýantyp, jyl basynan 100-den asa medalǵa ie bolǵan jas sportshylarymyzdy maqtanyshpen aita alamyz. Qonaevta jalpy 13 290 oqýshymyz bilim alsa, olardyń arasynda oblystyq, respýblikalyq jáne halyqaralyq dárejelerdegi túrli baiqaýlar men ǵylymi jobalarda da 500-den astam oqýshylarymyz júldeli oryndarǵa qol jetkizdi. Bul – úlken jetistik. Barshańyzdy merekemen quttyqtaimyn!» – dedi Ashat Berdihanov.
Keiinnen ol múmkindigi shekteýli jasóspirimderge qurmet kórsetip, syi-siiapat tabys etti. Aita keteiik, búgin shahar basshysynyń atynan 600 balaǵa syilyq, mektep oqýshylaryna 1000 balmuzdaq taratyldy.
Kontsert barysynda kúi shertilip, án aityldy. Sýretshi, tiginshi, qolónershi balaqailardyń shyǵarmashylyǵynan kórme qoiyldy. Jas jetkinshekterdiń tanymyn keńeitý maqsatynda tótenshelikter arnaiy tehnikadan kórme uiymdastyrdy. Órt sóndirýshi mamandyǵy jaiynda oqýshylarǵa aqparat berdi.
Sondai-aq otbasylyq oiyndar ótkizilip, balalar alańda shahmat oinady, voleibol, basketbol, boks sekildi sport túrlerinen qoiylym kórsetildi.
Jalpy merekelik is-shara 3 saǵatqa jalǵasty. Saltanatty keshke 1500-nan astam bala qatysty.
