Almaty qalasynda ALMA LOVE 2026 jastar festivaliniń óz bastaýyn aldy. Festivaldiń alǵashqy kúni tamyzdyń 2-si jalpyhalyqtyq «Taza Qazaqstan» bastamasy aiasynda uiymdastyrylǵan EcoDay ekologiialyq aktsiiasymen bastaldy. Qalanyń ártúrli aýdandarynda ótken ekologiialyq is-sharalarǵa 600-den astam jas qatysty, dep habarlaidy dalanews.kz.
Festivaldiń alǵashqy kúni jastar uiymdary, eriktiler, belsendi jastar jáne qala turǵyndary ortaq maqsatqa birigip, ALMA LOVE festivalin týǵan qalaǵa degen janashyrlyqtan bastady. Qatysýshylar aýlalar men qoǵamdyq keńistikterdi tazalap, ekologiialyq chellendjter uiymdastyryp, turǵyndardy qorshaǵan ortaǵa uqypty qaraýǵa, tazalyqty saqtaýǵa jáne ózderi turatyn aýdannyń kórkeiýine úles qosýǵa shaqyrdy.
Ekologiialyq aktsiia biyl «Qala senen bastalady» uranymen ótip jatqan festivaldiń negizgi ideiasyn aiqyn kórsetti. Óitkeni týǵan qalaǵa degen súiispenshilik eń aldymen kúndelikti qarapaiym áreketterden - óz aýlasyn, kóshesin, qoǵamdyq keńistikterdi taza ustaýdan jáne qorshaǵan ortaǵa jaýapkershilikpen qaraýdan bastalady.
Is-shara Qazaqstan Respýblikasy Prezidentiniń «Taza Qazaqstan» jalpyulttyq bastamasyn qoldaý maqsatynda uiymdastyrylyp, jastar arasynda ekologiialyq mádenietti qalyptastyrýǵa, volonterlik qozǵalysty damytýǵa jáne qorshaǵan ortaǵa degen jaýapkershilikti arttyrýǵa baǵyttaldy.
Aktsiiaǵa qatysýshylardyń biri mundai bastamalardyń jastardy ortaq qundylyqtar tóńireginde biriktiretinin atap ótti.
«Biz festivaldi kontsertpen emes, paidaly ispen bastadyq. Bul - týǵan qalaǵa degen súiispenshiliktiń naqty áreket arqyly kórinetininiń belgisi. Ár adam óz aýlasyna, kóshesine janashyrlyq tanytsa, Almaty burynǵydan da taza ári jaily qalaǵa ainalady. Azamattyq jaýapkershilik dál osyndai qarapaiym qadamdardan bastalady», - dedi eko-belsendi, bloger Dýlat Nabiev.
Jalpy EcoDay ekologiialyq aktsiiasy aiasynda 600-den astam adam qamtyldy. Bul shara 12 tamyzǵa deiin jalǵasatyn ALMA LOVE 2026 jastar festivaliniń alǵashqy is-sharasy boldy. Aldaǵy kúnderi festival aiasynda bilim berý, mádeniet, sport, shyǵarmashylyq, volonterlik jáne qoǵamdyq bastamalardy qamtityn ondaǵan is-shara ótedi.
Aita keteiik, atalǵan festival Almaty qalasy Jastar saiasaty basqarmasynyń qoldaýmyn uiymdastyrylýda.
