Prezident Qasym-Jomart Toqaev 2020 jyldyń 1 qyrkúiegindegi Qazaqstan halqyna Joldaýynda 2021 jyly BJZQ salymshylary óz zeinetaqy jinaqtarynyń bir bóligin turǵyn úi satyp alýǵa, emdelýge jáne qarjy kompaniialarynyń basqarýyna berý úshin ala alatyndyqtary týraly aitty.
Osyǵan bailanysty memleket basshysynyń tapsyrmasy boiynsha aǵymdaǵy jyldyń sońyna deiin barlyq qajetti normativtik-quqyqtyq aktilerdi túpkilikti qabyldaý úshin daiyndyq jumystary júrgizilýde.
Al ázirshe salymshylarymyzdyń 2020 jyldyń 01 qyrkúiegindegi zeinetaqy jinaqtarynyń búkil el kólemindegi qurylymyn usynamyz.
Sonymen óz shottarynda zeinetaqy jinaqtary bar 10 870 610 mindetti zeinetaqy jarnalary salymshylarynyń (alýshylarynyń) 5 615 939 – erler bolsa, 5 254 671 – áiel azamatshalar. Olardyń jalpy jinaǵy 11 942 813 mln teńge, onyń ishinde 7 040 032 mln teńge er azamattarǵa tiesili, al 4 902 781 mln teńge – áielderdiń shotynda.
Myna somadaǵy zeinetaqy jinaqtaryna:
500 myń teńgege deiin – 5 906 632 adam;
501 myń teńgeden 1 mln teńgege deiin - 1 590 837 adam;
1 mln teńgeden 3 mln teńgege deiin - 2 348 114 adam;
3 mln - 5 mln teńgege deiin - 634 188 adam;
5 mln - 8 mln teńgege deiin - 238 931 adam;
8 mln teńgeden asatyn somaǵa - 151 908 adam ie.
Bul rette erlerdiń zeinetaqy jinaqtarynyń ortasha somasy 1 254 myń teńge, al áielderde – 933 myń teńge. Alaida búkil jinaqtaýshy zeinetaqy júiesi qoldanysta bolǵan kezeń ishinde jarnalardy turaqty túrde aýdaryp otyrǵan adamdardyń zeinetaqy jinaqtaryn baǵalaityn bolsaq, onda 1998 jyldan beri zeinetaqy jarnalaryn ai saiyn aýdaryp otyrǵan salymshylardyń arasynda er azamattardyń jinaqtarynyń ortasha somasy 5,8 mln teńge, al áielderde 4,4 mln teńge.
