پرەزيدەنت قاسىم-جومارت توقايەۆ 2020 جىلدىڭ 1 قىركۇيەگىندەگى قازاقستان حالقىنا جولداۋىندا 2021 جىلى بجزق سالىمشىلارى ءوز زەينەتاقى جيناقتارىنىڭ ءبىر بولىگىن تۇرعىن ءۇي ساتىپ الۋعا، ەمدەلۋگە جانە قارجى كومپانيالارىنىڭ باسقارۋىنا بەرۋ ءۇشىن الا الاتىندىقتارى تۋرالى ايتتى.
وسىعان بايلانىستى مەملەكەت باسشىسىنىڭ تاپسىرماسى بويىنشا اعىمداعى جىلدىڭ سوڭىنا دەيىن بارلىق قاجەتتى نورماتيۆتىك-قۇقىقتىق اكتىلەردى تۇپكىلىكتى قابىلداۋ ءۇشىن دايىندىق جۇمىستارى جۇرگىزىلۋدە.
ال ازىرشە سالىمشىلارىمىزدىڭ 2020 جىلدىڭ 01 قىركۇيەگىندەگى زەينەتاقى جيناقتارىنىڭ بۇكىل ەل كولەمىندەگى قۇرىلىمىن ۇسىنامىز.
سونىمەن ءوز شوتتارىندا زەينەتاقى جيناقتارى بار 10 870 610 مىندەتتى زەينەتاقى جارنالارى سالىمشىلارىنىڭ (الۋشىلارىنىڭ) 5 615 939 – ەرلەر بولسا، 5 254 671 – ايەل ازاماتشالار. ولاردىڭ جالپى جيناعى 11 942 813 ملن تەڭگە، ونىڭ ىشىندە 7 040 032 ملن تەڭگە ەر ازاماتتارعا تيەسىلى، ال 4 902 781 ملن تەڭگە – ايەلدەردىڭ شوتىندا.
مىنا سوماداعى زەينەتاقى جيناقتارىنا:
500 مىڭ تەڭگەگە دەيىن – 5 906 632 ادام؛
501 مىڭ تەڭگەدەن 1 ملن تەڭگەگە دەيىن - 1 590 837 ادام؛
1 ملن تەڭگەدەن 3 ملن تەڭگەگە دەيىن - 2 348 114 ادام؛
3 ملن - 5 ملن تەڭگەگە دەيىن - 634 188 ادام؛
5 ملن - 8 ملن تەڭگەگە دەيىن - 238 931 ادام؛
8 ملن تەڭگەدەن اساتىن سوماعا - 151 908 ادام يە.
بۇل رەتتە ەرلەردىڭ زەينەتاقى جيناقتارىنىڭ ورتاشا سوماسى 1 254 مىڭ تەڭگە، ال ايەلدەردە – 933 مىڭ تەڭگە. الايدا بۇكىل جيناقتاۋشى زەينەتاقى جۇيەسى قولدانىستا بولعان كەزەڭ ىشىندە جارنالاردى تۇراقتى تۇردە اۋدارىپ وتىرعان ادامداردىڭ زەينەتاقى جيناقتارىن باعالايتىن بولساق، وندا 1998 جىلدان بەرى زەينەتاقى جارنالارىن اي سايىن اۋدارىپ وتىرعان سالىمشىلاردىڭ اراسىندا ەر ازاماتتاردىڭ جيناقتارىنىڭ ورتاشا سوماسى 5،8 ملن تەڭگە، ال ايەلدەردە 4،4 ملن تەڭگە.
