Ulytaý oblysynyń Mádeniet, tilderdi damytý jáne arhiv isi basqarmasynyń basshysy taǵaiyndaldy, dep habarlaidy Dalanews.kz.
Bul qyzmetke Shyǵys Qazaqstan oblysy Borodýliha aýdany ákiminiń burynǵy orynbasary Maǵjan Tabyldin taǵaiyndaldy.
Eske salaiyq, buǵan deiin Ulytaý oblysynyń Mádeniet, tilderdi damytý jáne arhiv isi basqarmasynyń burynǵy basshysy Ánýar Omarov sottalǵan edi.
Jezqazǵan qalalyq soty oblystyń Mádeniet, tilderdi damytý jáne arhiv isi basqarmasynyń basshysy Ánýar Omarovqa qatysty úkim shyǵardy.
Ol murajai mamandary men basqa da ǵalymdardyń maqalalar jinaǵyn shyǵarý boiynsha oryndalmaǵan jumystary úshin zańsyz aýdarý arqyly 2,3 mln teńge somasynda biýdjet qarajatyn jymqyrǵany úshin kináli dep tanyldy.
Omarov buryn Jezqazǵan qalalyq sotynyń 2024 jylǵy 12 naýryzdaǵy úkimimen para alǵany úshin 6 jylǵa bas bostandyǵynan aiyrylǵandyqtan, Qazaqstan Respýblikasynyń Qylmystyq kodeksiniń 58-babynyń 3,6 bólikterine sáikes, qylmystyq quqyq buzýshylyqtardyń jiyntyǵy boiynsha taǵaiyndalǵan jazanyń ótelmegen bóligin ishinara qosý arqyly Ánýar Omarovqa memlekettik qyzmette qyzmet atqarý quqyǵynan ómir boiyna aiyra otyryp, 6 jyl 6 ai merzimge bas bostandyǵynan aiyrý túpkilikti jazasy taǵaiyndaldy.
Úkim zańdy kúshine endi.
