ۇلىتاۋ وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى تاعايىندالدى، دەپ حابارلايدى Dalanews.kz.
بۇل قىزمەتكە شىعىس قازاقستان وبلىسى بورودۋليحا اۋدانى اكىمىنىڭ بۇرىنعى ورىنباسارى ماعجان تابىلدين تاعايىندالدى.
ەسكە سالايىق، بۇعان دەيىن ۇلىتاۋ وبلىسىنىڭ مادەنيەت، تىلدەردى دامىتۋ جانە ارحيۆ ءىسى باسقارماسىنىڭ بۇرىنعى باسشىسى ءانۋار وماروۆ سوتتالعان ەدى.
جەزقازعان قالالىق سوتى وبلىستىڭ مادەنيەت، تىلدەردى دامىتۋ جانە ارحيۆ ءىسى باسقارماسىنىڭ باسشىسى ءانۋار وماروۆقا قاتىستى ۇكىم شىعاردى.
ول مۇراجاي ماماندارى مەن باسقا دا عالىمداردىڭ ماقالالار جيناعىن شىعارۋ بويىنشا ورىندالماعان جۇمىستارى ءۇشىن زاڭسىز اۋدارۋ ارقىلى 2،3 ملن تەڭگە سوماسىندا بيۋدجەت قاراجاتىن جىمقىرعانى ءۇشىن كىنالى دەپ تانىلدى.
وماروۆ بۇرىن جەزقازعان قالالىق سوتىنىڭ 2024 جىلعى 12 ناۋرىزداعى ۇكىمىمەن پارا العانى ءۇشىن 6 جىلعا باس بوستاندىعىنان ايىرىلعاندىقتان، قازاقستان رەسپۋبليكاسىنىڭ قىلمىستىق كودەكسىنىڭ 58-بابىنىڭ 3،6 بولىكتەرىنە سايكەس، قىلمىستىق قۇقىق بۇزۋشىلىقتاردىڭ جيىنتىعى بويىنشا تاعايىندالعان جازانىڭ وتەلمەگەن بولىگىن ءىشىنارا قوسۋ ارقىلى ءانۋار وماروۆقا مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرا وتىرىپ، 6 جىل 6 اي مەرزىمگە باس بوستاندىعىنان ايىرۋ تۇپكىلىكتى جازاسى تاعايىندالدى.
ۇكىم زاڭدى كۇشىنە ەندى.
