Áleýmettik jelide Atyraý oblysynyń ákimdigi sý tasqyny kezinde "Uly dala tulpary" at jarysyn ótkizýge konkýrs jariialap, oǵan 54.5 million teńge bóldi degen aqparat tarady, - dep habarlaidy Dalanews.kz.
Memlekettik satyp alý portalynda tapsyrys berýshi "Atyraý oblysynyń dene shynyqtyrý, sport jáne týrizm basqarmasy" memlekettik mekemesi ekeni kórsetilgen.
Onda "Uly dala tulpary" atty oblysaralyq báĭge tórt kezeńge josparlanǵany jazylǵan. Sonymen qatar, jarys ótetin orynǵa uzyndyǵy 10 metr, biiktigi 3 metr, qazaqi naqyshtarmen, dekorlarmen bezendirilgen, eki jaǵynda adamdar shyǵýǵa arnalǵan baspaldaǵy bar sahna qoiý, týrniketter ornatý, shabandozdar kiimi, sharany ótkizetin 8 tóreshi atarymen, olardy arnaĭy kiimmen, ratsiia, ysqyryq, jalaýymen qamtamasyz etý sekildi jumystar qamtylǵan.
"Mal dárigeri mamany mindetti túrde bolýyn qamtamasyz etý. Keleńsiz jaǵdaĭlardyń aldyn alý úshin jergilikti politsiia jáne jedel járdem qyzmetkerlerin qamtamasyz etý. 2 video operator, 1 foto operator túsirilimimen qamtamasyz etý. Áýeden túsiretin 1 dron operator qamtamasyz etý. Sertifikat 15 dana, kýbok 15 dana, medal 15 dana", - dep jazylǵan derekte.
Atyraý oblysy ákimdigi málimetinshe, birinshi satyp alý 20 naýryzda jariialanǵan (Atyraý oblysyndaǵy tótenshe jaǵdai engizilge deiin). Alaida qazirgi jaǵdaiǵa bailanysty vedomstvo satyp alýdan bas tartqan.
"Lot Atyraý oblysynda tótenshe jaǵdai engenge deiin jariialandy. Talqylaý hattamasyna sáikes konkýrstyq qujattamaǵa ózgeris engizildi. №11975428-2 ózgertýler engizilgennen keiin ótinimderdi qabyldaýdyń bastalýy 09.04.2024 jylǵa aýystyryldy. Satyp alýdy ashý 30.04.2024 jylǵa josparlanǵan bolatyn. Alaida Atyraý oblysynda tótenshe jaǵdai jariialanýyna bailanysty tapsyrys berýshi memlekettik satyp alý týraly qoldanystaǵy zańnyń negizinde satyp alýdan bas tartady. Oblystyń barlyq memlekettik mekemelerine osyndai memlekettik satyp alýdy toqtata turý týraly eskertilgenin qosymsha habarlaimyz", – dep jaýap berdi oblystyq ákimdik ókilderi bul jaǵdaiǵa.
Aita keteiik, Atyraý oblysynyń ákimi Serik Shápkenov tabiǵi sipattaǵy tótenshe jaǵdai jariialaý týraly sheshimge 2024 jylǵy 7 sáýirde qol qoidy.
