54 ميلليون تەڭگەنىڭ بايگەسى: اتىراۋدا سۋ تاسقىنى كەزىندە ات جارىسقا كونكۋرس جاريالانعان

ساعىنىش سارداروۆا 16 ءساۋ. 2024 17:43 3860

الەۋمەتتىك جەلىدە اتىراۋ وبلىسىنىڭ اكىمدىگى سۋ تاسقىنى كەزىندە "ۇلى دالا تۇلپارى" ات جارىسىن وتكىزۋگە كونكۋرس جاريالاپ، وعان 54.5 ميلليون تەڭگە ءبولدى دەگەن اقپارات تارادى، - دەپ حابارلايدى Dalanews.kz.

مەملەكەتتىك ساتىپ الۋ پورتالىندا تاپسىرىس بەرۋشى "اتىراۋ وبلىسىنىڭ دەنە شىنىقتىرۋ، سپورت جانە تۋريزم باسقارماسى" مەملەكەتتىك مەكەمەسى ەكەنى كورسەتىلگەن.

وندا "ۇلى دالا تۇلپارى" اتتى وبلىسارالىق ءباي̆گە ءتورت كەزەڭگە جوسپارلانعانى جازىلعان. سونىمەن قاتار، جارىس وتەتىن ورىنعا ۇزىندىعى 10 مەتر، بيىكتىگى 3 مەتر، قازاقي ناقىشتارمەن، دەكورلارمەن بەزەندىرىلگەن، ەكى جاعىندا ادامدار شىعۋعا ارنالعان باسپالداعى بار ساحنا قويۋ، تۋرنيكەتتەر ورناتۋ، شاباندوزدار كيىمى، شارانى وتكىزەتىن 8 تورەشى اتارىمەن، ولاردى ارناي̆ى كيىممەن، راسيا، ىسقىرىق، جالاۋىمەن قامتاماسىز ەتۋ سەكىلدى جۇمىستار قامتىلعان.

"مال دارىگەرى مامانى مىندەتتى تۇردە بولۋىن قامتاماسىز ەتۋ. كەلەڭسىز جاعداي̆لاردىڭ الدىن الۋ ءۇشىن جەرگىلىكتى پوليسيا جانە جەدەل جاردەم قىزمەتكەرلەرىن قامتاماسىز ەتۋ. 2 ۆيدەو وپەراتور، 1 فوتو وپەراتور تۇسىرىلىمىمەن قامتاماسىز ەتۋ. اۋەدەن تۇسىرەتىن 1 درون وپەراتور قامتاماسىز ەتۋ. سەرتيفيكات 15 دانا، كۋبوك 15 دانا، مەدال 15 دانا"، - دەپ جازىلعان دەرەكتە.

اتىراۋ وبلىسى اكىمدىگى مالىمەتىنشە، ءبىرىنشى ساتىپ الۋ 20 ناۋرىزدا جاريالانعان (اتىراۋ وبلىسىنداعى توتەنشە جاعداي ەنگىزىلگە دەيىن). الايدا قازىرگى جاعدايعا بايلانىستى ۆەدومستۆو ساتىپ الۋدان باس تارتقان.

"لوت اتىراۋ وبلىسىندا توتەنشە جاعداي ەنگەنگە دەيىن جاريالاندى. تالقىلاۋ حاتتاماسىنا سايكەس كونكۋرستىق قۇجاتتاماعا وزگەرىس ەنگىزىلدى. №11975428-2 وزگەرتۋلەر ەنگىزىلگەننەن كەيىن وتىنىمدەردى قابىلداۋدىڭ باستالۋى 09.04.2024 جىلعا اۋىستىرىلدى. ساتىپ الۋدى اشۋ 30.04.2024 جىلعا جوسپارلانعان بولاتىن. الايدا اتىراۋ وبلىسىندا توتەنشە جاعداي جاريالانۋىنا بايلانىستى تاپسىرىس بەرۋشى مەملەكەتتىك ساتىپ الۋ تۋرالى قولدانىستاعى زاڭنىڭ نەگىزىندە ساتىپ الۋدان باس تارتادى. وبلىستىڭ بارلىق مەملەكەتتىك مەكەمەلەرىنە وسىنداي مەملەكەتتىك ساتىپ الۋدى توقتاتا تۇرۋ تۋرالى ەسكەرتىلگەنىن قوسىمشا حابارلايمىز"، – دەپ جاۋاپ بەردى وبلىستىق اكىمدىك وكىلدەرى بۇل جاعدايعا.

ايتا كەتەيىك، اتىراۋ وبلىسىنىڭ اكىمى سەرىك شاپكەنوۆ تابيعي سيپاتتاعى توتەنشە جاعداي جاريالاۋ تۋرالى شەشىمگە 2024 جىلعى 7 ساۋىردە قول قويدى.  


ۇسىنىلعان
سوڭعى جاڭالىقتار