Ulttyq bank qolma-qol shetel valiýtasyn aiyrbastaý tártibine ózgerister engizdi. Jańa talaptarǵa sáikes, 500 myń teńge jáne odan joǵary somaǵa valiýta satyp alý nemese satý kezinde jeke kýáliktiń derekteri, JSN jáne zańdy mekenjai usynylýy tiis. Osyndai ereje endi quima altynmen jasalatyn operatsiialarǵa da qatysty bolmaq, dep habarlaidy Dalanews.kz.
Qaýly 2 jeltoqsanda qabyldanyp, 22 jeltoqsannan bastap kúshine enedi. Alaida birqatar normalar 2026 jyldyń 1 qańtarynan bastap qoldanysqa engiziledi.
500 myń teńge jáne odan joǵary operatsiialar úshin aiyrbastaý pýnktteri derekterdi mindetti túrde tirkeýge tiis. Tizilim jýrnalynda mynalar kórsetilýi qajet:
– JSN;
– jeke basyn kýálandyratyn qujat týraly málimetter (qujat túri, berilgen kúni, nómiri, jaramdylyq merzimi, JSN bolmaǵan jaǵdaida);
– klienttiń zańdy mekenjaiy (el, eldi meken, kóshe, úi jáne páter nómiri);
– klienttiń tegi, aty, ákesiniń aty (bar bolsa).
Dál osyndai talaptar 500 myń teńgeden joǵary somadaǵy quima altyn operatsiialaryna da engiziledi.
Sondai-aq aiyrbastaý operatsiialary boiynsha eseptilikti retteitin merzimder qaita qaraldy: ýákiletti bankter men uiymdardyń esep berý ýaqyty 6 aidan 1 aiǵa deiin qysqartyldy.
Buǵan qosymsha, ýákiletti uiymdar bólinisinde qolma-qol shetel valiýtasyn satyp alý jáne satý jónindegi bankter úshin eseptiń kólemi keńeitiledi.
