"50 mln-dy qaltaǵa basqan". Almaty oblysynda aýyl sharýashylyǵy basqarmasynyń mamandary kúdikke ilindi
Agenttik basqarmanyń burynǵy basshysy men ózge de laýazymdy qyzmetkerlerine qatysty tergeý bastaǵan.
"Almaty oblysynyń Aýyl sharýashylyǵy basqarmasy" memleketik mekemesiniń eks-basshysy men laýazymdy tulǵalarǵa qatysty qarjy institýtynyń basshysymen aldyn-ala sóz bailasý arqyly "Qazaqstan Respýblikasynyń agroónerkásiptik keshenin damytýdyń 2017-2021 jyldarǵa arnalǵan" memlekettik baǵdarlamasy aiasynda agroónerkásiptik keshen sýbektileri shekken shyǵystardyń bir bóligin óteý boiynsha sýbsidiialaýǵa bólingen Aýyl sharýashylyǵy jabdyqtaryn joǵary quny boiynsha jetkizý arqyly 50 000 000 teńge somasynda biýdjet qarajatyn jymqyrý deregi boiynsha sotqa deiingi tergeýdi tirkedi", – delingen agenttik habarlamasynda.
Qazir tergeý Qylmystyq kodekstiń 189-baby, 4-bóligi, 2-tarmaǵy "Senip tapsyrylǵan bóten múlikti iemdenip alý nemese talan-tarajǵa salý" baby boiynsha júrip jatyr.
