Qaraǵandy oblysy máslihatynyń depýtaty, aitysker aqyn Aitbai Jumaǵul LiFe 09 YouTube arnasyna bergen suhbatynda biliktegi áriptesterin synǵa aldy, dep habarlaidy Dalanews.kz.
Ol Qaraǵandyda Ivan Kostenko atyndaǵy shahtada 46 adam qaza tapqanda birde-bir depýtattyń tóbe kórsetpegenine qapalandy.
“Keshe aitysqa bardym. "Amanat" partiiasy uiymdastyrǵan "Altyn dombyraǵa" barlyq depýtat bardy. Sol kezde olarǵa "46 shahter óldi, nege kelmedińder?" dedim. Sóitsem: "Bizde bári hattamamen ǵoi, bizden eki depýtat bardy, bizdi jibermeidi" dep syltaý aitady. Bul barlyq depýtatqa qatysty syn: aityskerine de, zańgerine de, basqasyna da. Bireýi kelgen joq. Kelse halyq ózderi sailaǵandar keldi, eger olar kelmegende, budan bylai Qaraǵandyǵa attap basýǵa qaqy bolmaýshy edi. Bir emes, 46 adam qaitys bolǵanda bir depýtattyń kelmeýi sumdyq qoi”, - dedi aqyn.
Onyń aitýynsha, jerleý rásimine de eshkim kelmegen. Bul oqiǵany eske túsire otyryp, depýtat kóz jasyna erik berdi.
“Qyzylorda, Mańǵystaý bolsa, túsinýshi edim. Al Qaraǵandy tiip tur. On kún jerledik. Bizdiń aýyldan eki adam qaitys boldy. Qaitys bolǵan adamnyń balasymen janazada qatar turdyq, ońai emes... Qaraǵandydan bir aqyn kelgen joq. Osydan soń men aqynmyn, depýtatpen qalai aitady? Men de keremetpin demeimin, biraq shamam kelgenshe birneshe adamnyń janazasyna bardyq, qaiǵydan qan jutqan otbasylarǵa kóńil aittyq”, - dedi ol.
Osylaisha máslihat depýtaty aýyzben oraq oratyndardy da synǵa alyp, bárin ispen kórsetý kerektigin aitady.
