Qazaqstandyq strit-art sýretshi Pasha Kas Qyrǵyzstandaǵy biiktigi 4446 metr bolatyn Pýtin shyńyna jalǵyz kóterilip, soǵysqa qarsy piket ótkizdi. Bul týraly ol áleýmettik jelidegi paraqshasynda jazdy, dep habarlaidy dalanews.kz.
Sýretshiniń aitýynsha, aktsiia 30 tamyzda, Qyrǵyzstanda Shanhai yntymaqtastyq uiymynyń sammiti ótip jatqan tusta uiymdastyrylǵan. Ol álem kóshbasshylary beibitshilik týraly pikir almasyp, estelik sýretke túsip jatqanymen, soǵys pen beibit turǵyndardyń qazasy áli de jalǵasyp jatqanyn atap ótti.
"Bul jazbany ol oqymaidy. Menen keiin munda kelip, qoltańbasyn qaldyratyn adam da soǵysty toqtata almas. Biraq shyndyqty, ony jyldar boiy eshkim oqymasa da, báribir jazyp qaldyrý kerek", - dedi Pasha Kas.
Sýretshi úndeýin "Soǵysyńdy toqtat" degen sózdermen aiaqtaǵan.
Aita keteiik, Pasha Kas – týyndylary arqyly qoǵamdaǵy áleýmettik jáne ekologiialyq máselelerge nazar aýdaryp júrgen qazaqstandyq strit-art sýretshi.
