قازاقستاندىق ستريت-ارت سۋرەتشٸ پاشا كاس قىرعىزستانداعى بيٸكتٸگٸ 4446 مەتر بولاتىن پۋتين شىڭىنا جالعىز كٶتەرٸلٸپ, سوعىسقا قارسى پيكەت ٶتكٸزدٸ. بۇل تۋرالى ول ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى dalanews.kz.
سۋرەتشٸنٸڭ ايتۋىنشا, اكتسييا 30 تامىزدا, قىرعىزستاندا شانحاي ىنتىماقتاستىق ۇيىمىنىڭ سامميتٸ ٶتٸپ جاتقان تۇستا ۇيىمداستىرىلعان. ول ەلەم كٶشباسشىلارى بەيبٸتشٸلٸك تۋرالى پٸكٸر الماسىپ, ەستەلٸك سۋرەتكە تٷسٸپ جاتقانىمەن, سوعىس پەن بەيبٸت تۇرعىنداردىڭ قازاسى ەلٸ دە جالعاسىپ جاتقانىن اتاپ ٶتتٸ.
"بۇل جازبانى ول وقىمايدى. مەنەن كەيٸن مۇندا كەلٸپ, قولتاڭباسىن قالدىراتىن ادام دا سوعىستى توقتاتا الماس. بٸراق شىندىقتى, ونى جىلدار بويى ەشكٸم وقىماسا دا, بەرٸبٸر جازىپ قالدىرۋ كەرەك", - دەدٸ پاشا كاس.
سۋرەتشٸ ٷندەۋٸن "سوعىسىڭدى توقتات" دەگەن سٶزدەرمەن اياقتاعان.
ايتا كەتەيٸك, پاشا كاس – تۋىندىلارى ارقىلى قوعامداعى ەلەۋمەتتٸك جەنە ەكولوگييالىق مەسەلەلەرگە نازار اۋدارىپ جٷرگەن قازاقستاندىق ستريت-ارت سۋرەتشٸ.
