Áleýmettik jeli men buqaralyq aqparat quraldarynda Oljas Bektenov jańa premer-mınıstr bolady degen sybys tarady. Artynsha Aqorda Bektenovtiń kandıdatýrasy usynylǵanyn jarıalady, - dep habarlaıdy Dalanews.kz.
"Prezıdent Qasym-Jomart Toqaevqa Parlament Májilisiniń jáne "Amanat" partıasynyń tóraǵasy Erlan Qoshanov premer-mınıstr qyzmetine Oljas Bektenovtiń kandıdatýrasyn usyndy. Qoldanystaǵy zańnamaǵa sáıkes, Memleket basshysy usynylǵan kandıdatýrany Májilistegi partıalardyń fraksıalarymen jýyq arada talqylaıdy", - dep jazylǵan Aqorda habarlamasynda.
Oljas Bektenov byltyr Prezıdent Ákimshiliginiń basshysy bolyp taǵaıyndalǵan edi. Buǵan deıin ol Sybaılas jemqorlyqqa qarsy is-qımyl agenttiginiń tóraǵasy boldy.
Bektenov 1980 jyly 13 jeltoqsanda Almaty qalasynda týǵan. Jasy nebári 44-te.
Ázirge premer-mınıstrdiń mindetin ýaqytsha atqarýshy - Roman Sklár. Keshe ǵana Qasym-Jomart Toqaev Álıhan Smaıylov basqarǵan Úkimetti otstavkaǵa jiberdi.
