الەۋمەتتىك جەلى مەن بۇقارالىق اقپارات قۇرالدارىندا ولجاس بەكتەنوۆ جاڭا پرەمەر-مينيستر بولادى دەگەن سىبىس تارادى. ارتىنشا اقوردا بەكتەنوۆتىڭ كانديداتۋراسى ۇسىنىلعانىن جاريالادى، - دەپ حابارلايدى Dalanews.kz.
"پرەزيدەنت قاسىم-جومارت توقايەۆقا پارلامەنت ءماجىلىسىنىڭ جانە "Amanat" پارتياسىنىڭ ءتوراعاسى ەرلان قوشانوۆ پرەمەر-مينيستر قىزمەتىنە ولجاس بەكتەنوۆتىڭ كانديداتۋراسىن ۇسىندى. قولدانىستاعى زاڭناماعا سايكەس، مەملەكەت باسشىسى ۇسىنىلعان كانديداتۋرانى ماجىلىستەگى پارتيالاردىڭ فراكسيالارىمەن جۋىق ارادا تالقىلايدى"، - دەپ جازىلعان اقوردا حابارلاماسىندا.
ولجاس بەكتەنوۆ بىلتىر پرەزيدەنت اكىمشىلىگىنىڭ باسشىسى بولىپ تاعايىندالعان ەدى. بۇعان دەيىن ول سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى بولدى.
بەكتەنوۆ 1980 جىلى 13 جەلتوقساندا الماتى قالاسىندا تۋعان. جاسى نەبارى 44-تە.
ازىرگە پرەمەر-مينيستردىڭ مىندەتىن ۋاقىتشا اتقارۋشى - رومان سكليار. كەشە عانا قاسىم-جومارت توقايەۆ ءاليحان سمايىلوۆ باسقارعان ۇكىمەتتى وتستاۆكاعا جىبەردى.
