Turaqty tabysy bola tura 42 500 teńgege ótinish berip, áleýmettik kómek alǵan azamattarǵa aıyppul salynady nemese 2 jylǵa deıin bas bostandyǵynan aıyrylýy múmkin dep habarlaıdy Dalanews.kz Uchet.kz-ke silteme jasap.
⠀
Derekkóz QR Qylmystyq kodeksiniń 190-babynyń birinshi jáne ekinshi tarmaqtaryn mysalǵa keltirgen eken.
Alaıaqtyq, ıaǵnı bireýdiń múlkin jymqyrý nemese aldaý jáne senimine kirý arqyly bireýge tıesili múlikti ıemdengender jazaǵa tartylady.
Naqtyraq aıtqanda 1000 AEK kóleminde aıyppul salynady nemese 2 jylǵa deıin bas bostandyǵynan aıyrylady.
"Al bir top adam jasaǵan alaıaqtyq 4000 AEK kólemindegi aıyppul nemese 4 jyl bas bostandyǵynan aırylý jazasyna kesilýi múmkin. Budan bólek mal-múlki de tárkilenedi», - dep jazady Uchet.kz.
Budan bólek alaıaqtyq jasaǵan azamat 600 saǵatqa deıin qoǵamdyq jumystarǵa tartylyp, jazasyn óteıdi.
«Azamattar nemese jumys berýshi ýákiletti organǵa teris aqparat berip, sol arqyly járdemaqy alǵan bolsa, bul áreket qylmystyq jaýapkershilikke aparatyn alaıaqtyq baby retinde qaralady» dep jazǵan Uchet.kz portaly.
