Onyń ishinde «Túrkistan – Túrki áleminiń mádeni astanasy» jylynyń aiasynda erekshe ótken «Teatr kóktemi-2017» festivali men TÚRKSOI teatr basshylary keńesiniń májilisi, «Kúlki jármeńkesi» festivali, «HH-shy TÚRKSOI halyqaralyq opera juldyzdarynyń» festivali, «Orteke» qýyrshaq teatrlarynyń festivalin aitýǵa bolady.
Al oblystaǵa teatrlarda otyz bes jańa spektakldiń premerasy sahnalanyp, jalpy 1782 qoiylym kórermen nazaryna usynyldy. Sondai-aq, teatr óner ujymdarymen seksen toǵyz gastroldik issapar uiymdastyrylyp, oǵan 253 myńdai kórermen qamtyldy.
Sonymen birge, Sh.Qaldaiaqov atyndaǵy oblystyq filarmoniiada 237 kontsert qoiyldy. Filarmoniianyń «Qazyna» bi ansambli mádeniet jáne óner salasyndaǵy jetistikteri úshin QR Tuńǵysh Prezidenti – Elbasy qory syilyǵynyń iegeri atanyp, Resei jáne Túrkiiada ótken Halyqaralyq bi baiqaýlarynda qazaqtyń ulttyq bilerin nasihattap, Bas júlde jáne I oryndy ielendi. Túrkiia arasyndaǵy diplomatiialyq qarym-qatynastardyń jiyrma bes jyldyǵyna orai, oblysymyzdyń ónerpazdary Túrkiianyń Ankara, Adana, Mersin qalalary men Kechioren mýnitsipalitetinde óner kórsetti.
Al, oblystyq orys drama teatry Mordoviia Respýblikasy Saransk qalasynda ótken XII Halyqaralyq «Sootechestveniki» teatr festivaline qatysyp, laýreat atandy. Oblystyq opera jáne balet teatrynyń solisteri Qyrǵyzstan memleketiniń Bishkek qalasynda ótken opera óneriniń Halyqaralyq festivaline qatysyp, joǵarǵy deńdeide óner kórsetti.
Esepti kezeńde «Ońtústik-Tsirk» mekemesinde 57 qoiylym men is-sharalar ótkizgen bolsa, oǵan jiyrma tórt myńǵa jýyq kórermen barǵan. Astana qalasynda ótken Halyqaralyq «Shabyt-2017» shyǵarmashyl jastar festivalinde tsirk óneri nominatsiiasy boiynsha júldeli III oryndy iemdengen.
OQO ákiminiń baspasóz qyzmeti
