Bas prokýratýra Joǵarǵy aýdit palatasynyń (JAP) aýdit qorytyndysy boiynsha anyqtalǵan iri kólemdegi qarjylyq buzýshylyqtarǵa bailanysty “SQ-Farmatsiia” JShS-ne qatysty sotqa deiingi tergeýdi tirkedi, dep habarlaidy Dalanews.kz.
Bul týraly Májilis depýtaty Baqytjan Bazarbek áleýmettik jelilerde habarlady.
Anyqtalǵan buzýshylyqtar
Depýtattyń málimetinshe, JAP júrgizgen aýdit barysynda mynadai derekter anyqtalǵan:
“Infektsiialyq aýrýlarǵa qarsy preparattar ǵylymi ortalyǵy” AQ:
- 166,4 million teńgege jalǵan klinikalyq zertteýler júrgizilgen;
- jetkizilmegen jabdyqqa bailanysty 36,7 million teńge negizsiz igerilgen.
“SQ-Farmatsiia” JShS:
- dárilik zattardy satyp alý kezinde biýdjetke keltirilgen boljaldy shyǵyn — 35,8 milliard teńge.
“KazMedProm” JShS:
- meditsinalyq qolǵaptardy jetkizý kezinde baǵanyń asyra kórsetilýine bailanysty 5,3 milliard teńge kóleminde qarjy tiimsiz paidalanylǵan.
Tergeý barysy
"Dári-dármek satyp alýdaǵy 35,8 milliard teńge kólemindegi shyǵyn faktisi, sondai-aq “KazMedProm” JShS tarapynan meditsinalyq qolǵaptardy joǵary baǵamen satý oqiǵasy Bas prokýratýranyń aqparattardy esepke alý kitabyna (AEK) tirkelip, protsestik sheshim qabyldaý úshin Qarjy monitoringi agenttigine berildi", – dep jazdy Bazarbek.
Sonymen qatar, jalǵan zertteýler men 200 million teńgeden astam maqsatsyz qarjy igerý boiynsha “Infektsiialyq aýrýlarǵa qarsy preparattar ǵylymi ortalyǵy” AQ-nyń qyzmetin tekserý úshin Almaty qalasynyń prokýratýrasyna tapsyrma joldanǵan.
Bas prokýratýra sondai-aq “SQ-Farmatsiia” JShS men Dárilik zattar men meditsinalyq buiymdardy saraptaý ulttyq ortalyǵyna qatysty qosymsha tekserýler bastaý týraly sheshim qabyldady.
Aita keteiik, “SQ-Farmatsiia” JShS - Qazaqstanda tegin meditsinalyq kómektiń kepildendirilgen kólemi men mindetti áleýmettik meditsinalyq saqtandyrý júiesi aiasynda dárilik zattar men meditsinalyq buiymdardyń biryńǵai distribiýtory. Kompaniia dári-dármek satyp alý, saqtaý jáne eldegi meditsinalyq uiymdarǵa jetkizýmen ainalysady.
Eske sala keteiik, 4 maýsym kúni Májilistiń jalpy otyrysynda Joǵarǵy aýdit palatasynyń tóraǵasy Álihan Smaiylov eldegi dári-dármekpen qamtý júiesin qatty synǵa alǵan bolatyn.
