Qazaqstanda 34 myń túlek UBT tapsyrýdan bas tartqan, – dep habarlaidy Dalanews.kz.
Úkimet otyrysynda ǵylym jáne joǵary bilim vitse-ministri Talǵat Eshenqulov JOO-ǵa túsetin talapkerler úshin Ulttyq biryńǵai testileý (UBT) ótkizý bastalǵanyn habarlady. 16 mamyrdan 7 shildege deiin emtihan búkil elimiz boiynsha 46 ortalyqta ótedi.
Vedomstvo málimetinshe, óńirlik ortalyqtar respýblikalyq mańyzy bar qalalarda (8 birlik), oblys ortalyqtarynda (16), iri aýdan ortalyqtarynda (18) jáne oblystyq mańyzy bar qalalarda (4) ornalasqan.
"Talapkerler testileý kúnin, ýaqytyn jáne pýnktin ózderi tańdaidy. Talapkerlerge osy aralyqta UBT-ny eki ret tapsyryp, eń úzdik nátijemen grant konkýrsyna qatysý múmkindigi berilgen. 2025 jyly 217 myńǵa jýyq talapker oqýdy bitiredi, onyń ishinde 183 myńy UBT-ǵa tirkeldi. Byltyrmen salystyrǵanda testilenýshilerdiń sany 30 myńǵa artty. Test aiaqtalǵannan keiin túlekter durys jáne burys jaýaptarmen ǵana emes, sonymen qatar, UBT nátijeleriniń tolyq taldaýymen de tanysa alady", - dep atap ótti Talǵat Eshenqulov.Bul degenimiz 34 myń túlek UBT tapsyrýdan bas tartqanyn bildiredi.
Ǵylym jáne joǵary bilim ministrligi málimetinshe, grantty taǵaiyndaý konkýrsyna qatysý úshin qujattardy qabyldaý shildeniń 13 men 20 aralyǵynda júrgiziledi. Onyń nátijesi 10 tamyzǵa deiin jariialanady. Joǵary oqý ornyna tirkelý 25 tamyzǵa deiin jalǵasady.
