قازاقستاندا 34 مىڭ تۇلەك ۇبت تاپسىرۋدان باس تارتقان، – دەپ حابارلايدى Dalanews.kz.
ۇكىمەت وتىرىسىندا عىلىم جانە جوعارى ءبىلىم ۆيسە-مينيسترى تالعات ەشەنقۇلوۆ جوو-عا تۇسەتىن تالاپكەرلەر ءۇشىن ۇلتتىق ءبىرىڭعاي تەستىلەۋ (ۇبت) وتكىزۋ باستالعانىن حابارلادى. 16 مامىردان 7 شىلدەگە دەيىن ەمتيحان بۇكىل ەلىمىز بويىنشا 46 ورتالىقتا وتەدى.
ۆەدومستۆو مالىمەتىنشە، وڭىرلىك ورتالىقتار رەسپۋبليكالىق ماڭىزى بار قالالاردا (8 بىرلىك)، وبلىس ورتالىقتارىندا (16)، ءىرى اۋدان ورتالىقتارىندا (18) جانە وبلىستىق ماڭىزى بار قالالاردا (4) ورنالاسقان.
"تالاپكەرلەر تەستىلەۋ كۇنىن، ۋاقىتىن جانە پۋنكتىن وزدەرى تاڭدايدى. تالاپكەرلەرگە وسى ارالىقتا ۇبت-نى ەكى رەت تاپسىرىپ، ەڭ ۇزدىك ناتيجەمەن گرانت كونكۋرسىنا قاتىسۋ مۇمكىندىگى بەرىلگەن. 2025 جىلى 217 مىڭعا جۋىق تالاپكەر وقۋدى بىتىرەدى، ونىڭ ىشىندە 183 مىڭى ۇبت-عا تىركەلدى. بىلتىرمەن سالىستىرعاندا تەستىلەنۋشىلەردىڭ سانى 30 مىڭعا ارتتى. تەست اياقتالعاننان كەيىن تۇلەكتەر دۇرىس جانە بۇرىس جاۋاپتارمەن عانا ەمەس، سونىمەن قاتار، ۇبت ناتيجەلەرىنىڭ تولىق تالداۋىمەن دە تانىسا الادى"، - دەپ اتاپ ءوتتى تالعات ەشەنقۇلوۆ.بۇل دەگەنىمىز 34 مىڭ تۇلەك ۇبت تاپسىرۋدان باس تارتقانىن بىلدىرەدى.
عىلىم جانە جوعارى ءبىلىم مينيسترلىگى مالىمەتىنشە، گرانتتى تاعايىنداۋ كونكۋرسىنا قاتىسۋ ءۇشىن قۇجاتتاردى قابىلداۋ شىلدەنىڭ 13 مەن 20 ارالىعىندا جۇرگىزىلەدى. ونىڭ ناتيجەسى 10 تامىزعا دەيىن جاريالانادى. جوعارى وقۋ ورنىنا تىركەلۋ 25 تامىزعا دەيىن جالعاسادى.
